總之去到邊見到有生煎包，就必定買來食..............
最近整麵包，手風不順，又整了很多次蛋糕！
想揾吓 “新口味”，加上好耐冇整 中式包點，所以就整中式包喇。。。。。
立刻想起不如整《生煎包》，但心裡又想整 “蒸包”，最後決定兩款《煎》﹠《蒸》嘅包都一併整！
講個小故事，當我煎完隻包，影完相後，一啖咬入隻生煎包，好 juicy，噔時好想《咸》，係感動到《咸》嗰個《咸》。
因為真係好好好好味呀....................
 |
| 上海生煎包 |
 |
| 菜脯鮮肉包 |
《生煎包 及 菜脯鮮肉包》
兩款包的包底麵糰，原則上是相同的！
不同的，就是做蒸包，包好後要作第二次 45～60 min 發酵。
材料 ：約12個。
包餡料：
豬肉(免治) $15元(肉餡多少，最好自行調節)
唐芹 $3元，刴碎待用
菜脯 適量(隨意家中拎)，刴碎待用
＊其實用梅菜可能會香一點，不過家裡菜脯很多，所以就加入菜脯，另菜脯只加入蒸包用。
蔥 適量(隨意家中拎)，刴碎待用
包子外皮
老麵糰 50g (做中式包，用上老麵糰‘口感’是好很多的！)
中筋粉 150g
速酵母 1/4t
細砂糖 5g
鹽 1/16t
橄欖油 10g
水 85～100ml
另備中筋粉 15g (在第一次發酵後，才加入麵糰裡再搓！)
先將免治豬肉調味(糖，生抽，老抽，麻油，胡椒粉，豆粉，油，我另外加入大地魚粉調味)，最後加小半碗水，將免治肉拌勻得較稀，因為這樣蒸起水會較 juicy 一點，好味啲㗎！
唐芹，菜脯，蔥，全部刴碎待用(記緊要刴得較為細粒！)
將所有搓麵糰的材料連‘老麵糰’加入盤裡，再落水(最好留 20ml 水，慢慢添加入粉糰內)，將粉糰搓到光滑 (即盤內沒有麵粉黏著便可，大約 10 分鐘)，將麵糰收口下捏緊後放回搓盤內，跟著進行第一次約 60～90 分鐘 發酵！
第一次發酵後，將麵糰移出來，將 15g 中筋粉加入麵糰再搓成麵糰至光滑的麵糰。
將搓好的麵糰分成 2 份，一半做《生煎包》一半做《鮮肉包》。
每個包份量約 25～30g，將小麵糰壓扁，中間擀成稍厚，周圍擀成較薄，放入適量免治肉，一疊一疊轉，最後收口捏緊。
將巳包好的麵糰放上巳預備好的大盤上，記得灑上一些中筋粉避免包子黏著。
菜脯鮮肉包做法：
若果想做蒸肉包，這時可以將蒸包放到再作第二次發酵約 45～60 分鐘後蒸 12 分鐘，蒸好後留在鍋裡焗多 5 分鐘便可。
生煎包做法：
當包完便可以煎，落油大約半湯匙(視乎幾多隻包再行加減)，將包煎 1 分鐘，加水約 1cm 高，跟著蓋上蓋，用中小心煮到收乾水為止，底部煎至呈現金黄色便可！！！
 |
| 我分整 2 個味道，蒸鮮肉包我加入了菜脯！ |
 |
| 平日搓麵包，會發到成個波咁大個，今日整中式包，似乎發酵得不太大，但原來是沒有影響到整包！ |
 |
| 第一次發酵完成後，將麵糰移出來，將備好的 15g 中筋粉加入麵糰再搓成光滑麵糰！ |
 |
| 擀好麵糰後，加作鮮肉，一折一折轉並收邊！ |
 |
| 就是包到咁樣！ |
 |
| 平日係電視見人地好易轉塊麵皮，三兩吓就圓碌碌，我就雞手鴨腳！ |
 |
| 就係咁，求求其其(其實好努力咁收邊，不過不是咁易啫！) |
 |
| 包多幾個就開始順手！ |
 |
| 包得唔錯囉！ |
 |
| 這個是用來做生煎包嘅料，冇加菜脯嘅！ |
 |
| 這幾隻是蒸包嚟嘅！ |
 |
| 這隻折得最靚！ |
 |
| 煎好喇！ 好心急想知自巳整得好唔好食！ |
 |
| 個要好似好厚，不過唔係隻隻係咁，呢隻似乎個底皮太薄，個面搓得太厚！ |
 |
| 底皮太薄，倒轉晒！ 不過口感不錯！ |
 |
| 蒸咗 12 分鐘！蒸好喇！ |
 |
| 蒸的鮮肉包，個皮同肉岩岩好㗎！！！ |
 |
| 這隻最似樣，俾個近鏡！！！ |
 |
| 一咬個鮮肉包，好 juicy 㗎，我在撈免治肉時加入了很多水份，而且比足夠時間啲肉吸收，所以啲肉蒸完，一咬個包就好多汁標出來，似足街上食的效果！ |
而家唔入到嚟都唔知係妳.......嘻....真唔習慣呢
回覆刪除