沒事做，中午食完飯悶悶地，想弄點下午茶！開廚櫃翻來翻去，巳經焗了幾天蛋糕，唔想整西點了。
發覺還剩了很多包粘米粉，糯米粉...........等等等等！
又發現樽紅豆！
決定整個《砵仔糕》給老公大爺，我們都愛吃砵仔糕！
01.10.2013 國慶日做 材料：大約 5-6 砵仔糕份量
粘米粉 120g
木薯粉(茨粉) 20g
馬蹄粉 10g (應該用 ‘澄麵’，因為家裡用晒！)
水 400g (200g開粉用，另200g煲溶片糖用)
片糖 80g (好甜者可加到100g，覺得‘黑糖’好味一點)
紅豆(巳煮稔) 適量(跟據個人喜好多少！)
13.10.2013 （口感明顯比國慶日好好多！）
今日再戰《砵仔糕》，改良咗新份量，效果非常好！
材料：大約 3-4砵仔糕份量
粘米粉 80g
木薯粉(茨粉) 24g
澄麵 10g (原來用澄麵，口感係好好多嘅！)
水 350g (200g開粉用，另150g煲溶片糖用)
黑糖 70g (‘黑糖’真係好味一點)
紅豆(巳煮稔) 適量(跟據個人喜好多少！)
做法相當簡單！
預備好所有材料後，先預熱鑊，要先將“碗仔”(碗仔要先塗上一層薄薄油！)一併蒸熱！
先用 200g 水煲溶片糖
跟著將 粘米粉，木薯粉，馬蹄粉 放入巳預備的大碗內，加入餘下 200g 水，拌勻，待片糖水完全溶後，趁熱倒入巳拌勻的漿粉水內，一併拌勻！
這時鑊裡的蒸碗應該滾起來，就可以將漿粉水倒入巳《預熱》的蒸碗裡，並灑入巳預先煲稔的《紅豆》，蓋上蓋，大火蒸 13～15 分鐘，用竹簽篤入，若沒有粉黏著，即成，略為攤凍，便可用竹簽篤出，便可！
四隻碗都唔同 size，哈哈哈哈！好辛苦先湊夠四隻瓦碗來蒸！
 |
| 剛蒸好，中間會稍為凹陷，不過在鑊裡移出來，就會略為平復㗎喇！所以不用擔心凹晒嘅問題！ |
 |
| 略為攤凍，個樣就會靚返啲㗎喇！ |
 |
| 似足街上買回來！ |
 |
| 嘩！口感十足似街外買的！正呀！！！ 以往試過淨係用粘米粉，澄麵，硬係差了一點點，好似有點太過黏，今次改用，木薯粉，效果不錯，不過不知關不關改用馬蹄粉原因！ |
食後感！
可能我加入木薯粉，另外又改用馬蹄粉！口感不算黏，是很有咬口哪種，總之就係正喇！
唯一美中不足就是我處理紅豆方法要改良，可能我用煮滾，熄火，焗豆的關係，因為我唔想啲紅豆稔 pat pat，想可以保留一整粒又稔的效果，不過就因為沒有將紅豆略為煲爆開，雖然我煲的紅豆一樣稔，但就是一整“原粒”在蒸的時候紅豆汁就鎖住了，味道同砵仔糕有點不夠協調，又或者今次紅豆唔靚所致，下次要買啲靚紅豆，又會試吓蒸稔啲紅豆先！
我好鍾意食砵仔糕架!
回覆刪除