一年輕推一年！！！
今年中於動手自己粿糉！！！
屋企人少，又怕送給別人得啖笑，所以只粿了一點點！
咸肉糉材料：12 pcs (以大，細不同而決定多少隻)
**每隻蒸好後約 300~320g/pcs**
糯米 600g (一斤)
開邊綠豆 300g (半斤)
**若果好似我較鐘意食糯米嘅話，可以略為將糯米加到 650g
咸蛋黄 6 pcs (我好鐘食食咸蛋黃，但為了身體健康，
固每隻糉都只加入半隻蛋黃！)
五花腩 半斤 (約 12片)
粟子 12粒 (買唔到，所以冇加)
糉葉 約 60片
咸水草/綿線 12 條
處理材料：
1) 糉葉及咸水草
早一晚，浸定糉葉及咸水草。
糉葉要用抺布底面抺乾淨，再用清水洗好，用清水浸過夜！
粿糉前將糉葉用滾水加大約一湯匙油煲約 10 min，咸水草滾五分鐘，將糉葉及咸水草用清水再清洗一次，放好，略為瀝乾，待用！
 |
| 烚糉葉時記緊加入一湯匙油，咁樣包起糉時會容易啲㗎！
**近年買到嘅糉葉越來越不濟，好易爆開，要靠技術補救..........！**
|
將五花腩洗淨，瀝乾水份，最好用廚房紙抺乾！
切成一舊舊約麻雀大小。
調味：
五香粉 2 湯匙
豉油 1 湯匙
老抽 半 湯匙
黃糖 2 湯匙
紹興酒/米酒/玫瑰露 均可 1~ 1.5 湯匙
油 1 湯匙
糊椒粉 適量
**五花腩要醃過夜先夠味！
3) 糯米
浸 4 hours
**心得，糯米浸得太耐會將米浸散，烚完後略會粘，缺乏口感，但要視乎你烚糉時間而調整，浸過夜烚糉時間要約 2 hrs，沒浸過夜烚糉時間要 3 hrs 左右，所以浸過夜及沒浸過夜嘅分別。。。
調味：
海鹽 2 湯匙
黃糖 1 湯匙
油 2~3 湯匙
**我煮咩冇習慣下雞粉，屋企都唔會有，所以沒有下！
4) 綠豆邊
浸 2~4 hours
浸唔浸過夜情況同糯米相約，不過我唔鐘意將綠豆邊浸過夜，烚完後會好 pat 㗎！
調味：
海盬 1 湯匙
紅蔥頭 2 粒，刴碎，用油爆香後加入巳浸好嘅綠豆
邊裡，因為綠豆邊有些少特別味道，利用蔥
油加強味道!
5) 東菇
早一晚浸好東菇！
東菇去艼後，加入些少粟粉及每隻捽一捽，再用清水略沖，東菇切勿揸乾水，食時會好乾，影响口感..........
我通常在爆香蔥油時，唔好洗鑊，將剩下來的蔥油爆一爆香菇，灒些紹興酒，加些黃糖，再加些少蠔油及白開水略為煮一煮，收汁便可，留用粿糉！
**點解我會將東菇煮一煮，因為，糯米裡 沒加雞粉，因為我煮飯冇習慣加雞粉，家中就更加沒有雞粉.......，所以利用咗東菇調味，去增強糯米味道！
6) 咸蛋黃
打開咸蛋，留起蛋白(通常粿糉當天，必定係會煲芥菜咸蛋肉片湯，唔好浪費！)
我會用白開水將咸蛋黃清洗一吓，去走黏在蛋黃邊的物質，切半或原粒均可！
 |
| 打開後，用白開水洗淨，備用！ |
7) 粟子
去殻去皮，我會輕輕加入半湯匙黃糖蒸 30 min。
加入粟子，食時甜甜地，增添口咸。
買唔到.............冇加！
全部工序預備好，就可以開始粿糉！
 |
| 第一隻，粿得特別醜樣。。。哇哈哈哈！！！ 包糉時我習慣利用糉葉尾嗰邊先做型，因為葉頭較乾，好易一屈就會爆散，搞到好鬼麻煩㗎喇！ |
 |
| 粿好粽，就要烚........... |
 |
| **記緊要將水完完全全覆蓋糉，粭糉時要不時留意，唔夠水，就要加入《滾》水，否則好易烚到好似煮飯咁，生，硬，乾！ |
 |
| 我較鐘意咸肉糉淺淺地色，唔鐘意人家啲好深色，所以我在糯米調味時一定不會加入豉油！ |
 |
| 烚完全部冇散㗎，証明我手勢合格！哈！ |
 |
| 每隻大約 300~320g |
 |
| 我粿咸肉糉係用 4 張糉葉包 "五角糉"！ 不過粿梘水糉就會只用 2 張糉葉包 "四角糉"！ |
 |
| 烚好喇，一共 12 隻！ |
有啲人話粭完糉，要立即攞起！
又有人話粭完糉，要留在煲裡浸一句鐘！
應該點先岩呢？？？
心得：
若想將糉 keep 得耐一點就最好一烚好就攞起，利用熱力迫乾粿著糉葉乾為止，就會好乾爽㗎喇！
若果留在煲裡浸，嗰啲糉，點透都唔會乾，一路會濕立立，點放都唔會乾㗎！！！
沒有留言:
張貼留言