龍蝦肉連殻就來煮意粉+配菜! |
龍蝦肉就係在蝦頭裡拆出來,嘩!真係唔少㗎! |
只是 3 隻龍蝦頭,巳紅可以弄到餐廰飲湯 size 約 5~6 碗! 裡面巳加入由龍蝦頭取出的龍蝦肉+龍蝦膏! 濃味到呢! |
但這一迫,給我見到一位職員打拿一 藍 龍蝦,my favour,跟著見他就在我旁邊放下,我問是賣的嗎?對!$98元一隻這款是可以做 sashimi '刺身',還有 10% off,即 $89 元一隻,唔係卦,看上去還相當不錯(決定沒錯,開出來的肉很好!),我在 Jusco 買急凍,沒有龍蝦頭都要賣 $130 元一隻,順手㨂了 3 隻,職員話我㨂 4 隻,給我一個保冷袋,好多買一隻..........
看上去相當不錯!對吧............ |
立即走人去付錢及離開,幾經殺出血路付錢時,又見到有日本南瓜,係老公大爺嘅 favour,吓!昨天在超市買了 1/4 隻韓國來的南瓜,小一點都要成 $18元,唔係卦,整一隻更大才賣 $26.9,旁邊的太太㨂了起碼 20 隻,嘩!食到八月十五呢......哈!人太多,寡不敵眾,隨手拿了 2 隻,走都走唔切..........離開時才 11:30 分,才半粒鐘加埋排隊付款,好在安排行好,好快巳付款了,還要人潮管制,要排隊撘扶手電梯離開,痴線㗎,相當得人驚,逃離 SOGO 覺得自己好似行咗 8 粒鐘咁!
$26.9/each 很大隻!真係好平! 日本南瓜比較甜,我平日弄日本南瓜漬,試過用日本出及唔係日本出嘅南瓜整,口感完全不同! 用日本南瓜弄起來冇咁易煲爛㗎!!!好味好多!!! |
龍蝦當然用來做西餐喇!
隻龍蝦俾起我在 Jusco 買的更大隻,每隻起碼 300x/g,淨係龍蝦頭就巳經足以做個濃味《龍蝦湯》了!
拆開袋,龍蝦全隻,足有我前手臂咁大隻,真估不到! |
乾淨! |
看看!龍蝦頭內還很有肉地............... |
決定來個龍蝦兩食:
1) 龍蝦頭做湯
2) 龍蝦身做意粉
材料:龍蝦湯!
龍蝦 2~3 pcs
西餐 4 寶:
洋蔥 1 pc
西芹 1/2 pc
紅蘿蔔 1 pc
蕃茄 1 pc
紅蔥頭 8~10 pcs(我鐘意香一點。)
蒜頭 1 整隻
茄膏 約 2~3 湯匙
白酒 小半碗 (其他烈酒均可,不過小心搶火,火燭)
牛油 是在煲好湯後,牛油+麵粉+湯,將湯煮杰一
點用的!
麵粉 3~4 湯匙,視乎你想個湯杰度,增加或減少!
上湯 1 罐(若有自己淆製魚湯更好!)
水 2~3 湯碗,視乎你飲嘅人數,增加或減少!
西餐 4 寶:洋蔥,紅蘿蔔,芹菜,蕃茄。 還有蒜片,紅蔥頭! 更加有在龍蝦頭拆出來的龍蝦肉及龍蝦羔! |
工具:
棒型手打碎肉棒:用來直接在煲內打爛食物!
篩子:用過過濾打爛後的食物,一共過篩子 2 次,因為龍蝦殻爆香煮湯後,好難完完全全取走,再因為用打碎棒打碎食物後都一定留下蝦殻碎粒,為家人安全,故此要將煲好湯過篩!
篩子嘅用途! |
開工:
先處理龍蝦,先清乾淨整隻蝦身,將頭同身分開。
先處理蝦頭:將蝦頭殻分開,洗淨龍蝦頭兩旁 '魚鰓',不要,洗淨!
將龍蝦頭殻中間剪開,方便取出魚鰓........ |
看看,又有羔,又有肉,要挑出來,不需留在殻裡,因為龍蝦殻巳足夠令湯夠味! |
三隻龍蝦頭,巳經有小半碗羔............... 我見到嘅係一大碗膽固醇,罪過!罪過! |
龍蝦頭兩邊有鰓,要拿走,不要,跟著洗洗巳經很乾淨! |
乾淨晒! |
見唔見到幾多肉.............拆出來,足夠咁多碗內食嘅龍蝦肉!!! *雖然係急凍龍蝦,但看看啲肉就知道好新鮮!!! |
四周圍都有蝦羔,蝦肉,花點時間拆出,絕對值得! |
罪惡感很強,又感到滋味,又見到超勁膽固醇! 食完要清淡好幾天平衡一吓! 真係又要威又要載頭盔! |
拆出一盤龍蝦殻,瀝乾水,煮前先仆上些少豆粉! |
*其實龍蝦頭內好多寶藏,要輕手取出"蝦膏"(可以用來增加龍蝦湯濃度,不過膽固醇會好高,落唔落自己決定),龍蝦頭對觸鬚附近都會有好多龍蝦肉,只要處理得好,就會好似我咁,在三隻龍蝦裡抽到大約小半碗龍蝦肉,留來加入龍蝦湯裡,增加碗湯口感)
最後處理好嘅龍蝦頭裡,有小半碗龍蝦肉,小半碗龍蝦膏!
將西餐 4 寶,洗淨切粒,紅蔥頭,蒜頭粒,切幼粒!
用一個煲湯煲,下橄欖油,下紅蔥頭,蒜頭粒爆香,加入龍蝦殻,爆香(**小心紅蔥頭,蒜頭粒會爆焦,就會出現黑色塊,個湯就唔靚**),跟住加入西餐 4 寶,續炒,下些少鹽,糖吊味(不要下太多,因為龍蝦味好複習!),炒到覺得差不多,跟著灒白酒,炒香後,加入茄膏,續炒............加上湯,加滾水,蓋上蓋,水滾後收慢火,煲起碼 1.5~2 hrs,視乎煲湯夠唔夠味,我煲了約 1 hr 試味巳紅好甜,最後煲了 1.5 hrs。
**頭 1hr + 15min 用來淆湯,後嗰 15min 是用牛油加麵粉煮勻後(麵粉難煮溶,好易結成一舊舊,若不想煮到啲麵粉成一舊舊,提議多吓一點牛油,不過我怕太肥,大約用一舊拇指咁大size嘅牛油,我就先用些少水開稀才煮,就不會結成一舊舊)
落橄油,紅蔥頭,蒜片,爆香.............. |
加入龍蝦後,爆炒一吓! |
要爆炒到,聞到一朕香味.......... |
加入白酒! |
加入雜菜粒! |
炒呀炒........... |
加入茄羔........... 温馨提示,2 湯匙好了,因為龍蝦頭爆完煮完就會出好多紅色油羔㗎............ |
加入上湯! |
無須加太多...........因為龍蝦殻真係夠晒味㗎! |
跟著加入滾水(一定要滾水)! 見唔見啲龍蝦油巳經在爆炒時標晒出來............. |
在煲湯其間,我將龍蝦頭拆下來的肉,我用些少蔥頭爆香,下些少鹽(小小好喇!),加些少白酒,炒好待飲湯時加入湯裡!
跟住將龍蝦膏爆熟(**緊記!一定要爆炒過啲龍蝦羔才好加入湯裡,若果沒爆香,直接加入湯會好《腥》㗎!)
估法:
用牛油,些少麵粉,小小鹽
(求其幾粒仔鹽就夠,因為湯巳經好溶㗎喇!)。
**加些少麵粉目的想佢杰一點,唔好"水"就得喇),再提提你:龍蝦羔一定要先爆香才可以加入煲好湯內,否則煲湯會好《腥》㗎!小心留意呀!**
最後決定加入碗湯裡,若果有家人怕膽固醇,就不要加入喇!待用! |
將煲好的龍蝦湯,將龍蝦殼盡量取走! |
拿走龍蝦殻後,用食物處理棒直接在煲裡將材料打碎............
|
用匙幫手按壓一吓,將雜菜渣壓回煲裡,壓完你就會見到好多碎殻殘留在篩子裡!我一過濾了兩次,係完全冇影響將湯變得水嘅! 這樣飲起湯來不會有蝦殻碎影響口感㗎喇! |
再用一個新煲,中慢火,加入牛油,溶後(小心燒焦牛油),加入麵粉,略炒,若變杰,就下一點水份,當麵粉溶後,就將巳過濾的龍蝦湯加入,用鑊略攪動,煲湯本身有雜菜,所以應該夠晒杰..........最後在碗裡先加入龍蝦肉及龍蝦膏,加入龍蝦湯,就完成,可以上枱!
飲到一半,都仲有龍蝦肉嘅.......... |
方便家人食,所以我將龍蝦身一開四! |
我先仆上豆粉,用半煎炸來整熟啲龍蝦先,方便一陣回鑊同意粉炒一炒! |
用隔油紙先索一索啲油,一陣再回鑊炒! 唔講唔知,走完油,剩下來的油,整碗變成有點橙紅色嘅 |
用白烚菜伴蝶,因為個湯都相當濃郁,飲一碗就膽固醇超標,所以配菜我只用白烚,希望平衡一吓。。。個心理啫! |
沒有留言:
張貼留言