斑蘭戚風蛋糕

跑了九龍城一趟！
眾所週知，九龍城很多泰國小店。
買了一些泰式食才用來作製泰菜用！見到有斑蘭葉，手癢癢買了一包，放了一兩天，今日啲起心肝用來整蛋糕！

焗得不錯，幾鬆軟..............

斑蘭蛋糕材料：
新鮮斑蘭葉                    1 pack/內有 14片(可用斑蘭精代替)
低筋粉                            75g
蛋黄                                4 pcs
砂糖 A                            50g
蛋白                                4 pcs
砂糖 B                            40g
鹽                                    3g
檸檬汁                            些少
泡打粉                           1 茶
云呢o拿油                     適量
水份總和：                   150g
斑蘭汁處理後約            20g(加咗一些清水，幫手打汁)
椰漿                               100g(冇椰漿，可用水代替，不過要減
                                                 為 80g 好，因為椰漿密度高！）
橄欖油                           30g 

optional(因為家中有椰絲)
椰絲                               5g(不好，可不加)

次次整斑蘭葉打成汁，都攪到頭都暈埋...........

辛辛苦苦查出來只得好少汁㗎！

温馨提示：
＊＊斑蘭葉都幾 dirty，洗完，還要用布抺乾淨，由其葉子下半部，抺完塊布好 dirty 㗎，留意呀！！！
＊＊另外查完汁出來後，最好將斑蘭汁《靜止》30 min，就會見到斑蘭汁沉澱後會濃郁點，可撇除面層水份，只留沉澱後的斑蘭汁！

170° 預熱焗爐

蛋黄糊：
蛋黃＋糖＋云呢o拿油＋椰漿＋橄欖油＋斑蘭汁，將材料拌成糊後，加入巳過篩 低筋粉及泡打粉，最後拌成蛋黄糊！

蛋白漿：
蛋白用低速開始打，跟著加入鹽，再加入檸檬汁，調至中高速，分數次加入糖，再調高速，將蛋白打至企身！

將蛋黄糊加入蛋白漿內，輕手拌勻，倒入巳備好 8" 模裡！

用 170° 焗 25~30 min。

哈！焗得不錯..............

噫！點解有啲結結地嘅..............

相當鬆軟！