拿出來 探一探!摸一摸!............巳經很多沒有整棵了!
所以今日決定整《紅桃果》!
這個木模花紋,是我特地在上海街《特別訂做》!!! 真的很喜歡這個木模!!! |
這個是買來的舊模打出來的木模做出的花紋! |
點解我要《死螺》,因為這樣的《舊木做的模具》真是買一隻少一隻,絕版㗎喇!新木唔靚㗎!!!
看看圖片,左,右 木模,深色哪一隻,無論質感,手感,都比我另外訂製的佳,一模上手就知!!!
粘米粉 150g
麵粉 50g
糯米粉 10g
滾水 150g
油 2 湯匙
食用色素 極少便可,大約 1-2 少滴。
將各粉類篩好,先倒入 130g 滾水,將粉搓成糰,後加入餘下滾水 (視乎麵糰濕度,覺得麵糰要稍為濕潤一點,我將餘下的 20g都一併加入粉糰!),麵糰要搓到不黏盤子為適合,我會拿走一小部份的麵糰略為壓扁,用滾水烚熟成為 “粿母”,之後加回入主粉糰 (這個做法,可以令麵糰較為佳!) ,不加入 “粿母” 亦可!跟著加入色素,再搓,最後加入油,搓成麵糰!
紅桃粿餡料:
咸味:用糯米飯底便可!
甜味:用蕃薯,綠豆蓉,蓮蓉,甚至麻蓉均可......!
紅桃棵 咸味 “餡料” 材料:
糯米飯餡料材料及做法如下:
1)糯米 大半碗(先浸糯米,浸幾個鐘)
2)臘腸,潤腸 各半條(洗淨後,原條稍後放入蒸糯米飯後,切碎待用)
3)東菇 數隻(浸軟東菇(東菇水留用),用豆粉水略為洗擦,待用)
4)蓎芹 數條(洗淨,瀝乾,切粒,待用)
5)菜甫 些少(洗淨,瀝乾,刴碎,待用)
6)蝦米 些少(洗淨,瀝乾。刴碎,待用)
先將 東菇+蓎芹+菜甫+蝦米 爆香,待用!
糯米先蒸 10分鐘,其間要不斷灑水(可用浸東菇水灑),開蓋,放入原條臘腸一齊蒸,再蒸 10 分鐘(若糯米浸不夠透,就要蒸耐一點),其間都要不停灑水,最後加入以炒香東菇,蓎芹,菜甫,蝦米,可加些少豉油調味,若夠味就無須下豉油!
**完成糯米部份便何,待用!
做法,將麵糰分好等份,每隻大約 50~55g (視乎自巳模具大小而定),將小麵糰壓成薄薄的皮,加入糯米飯,包好,入模,打出來。
將做好的紅桃粿,蒸約 8 min,便可!!!
若隔天食,可以以慢火煎香進食!!!
將材料勻在一起,搓成麵糰! |
我加入“粿母” 即熟粉,跟著再搓!!! |
搓好後,用手壓成大約這個樣! |
加入餡料 |
包好材料! |
加入餡料後,收口! |
壓入木模內! |
唔係咁易㗎,要花點氣力,又驚壓到爆口!!! |
記得壓入麵糰前,記緊要灑點 “粉”,否則很難將粿打出,要小心! |
要大力拍打,才會拍出來! |
Yeah..........成功打出,個花好靚! |
個木模個花,真真真係好靚呀呀呀................ |
這個份量大約做 6~7 隻! |
蒸大約 8 分鐘左右! |
蒸好喇!!! |
這隻是第一隻做,控製不好麵糰,底皮較厚,不過其他的桃粿都做得很薄,相當成功!!! |
原來入面係包咸料嫁..我都未食過
回覆刪除唔一定㗎!可以包甜材料,除你自巳喜歡.................
刪除我今日都係上海街買咗個模.....等我試吓先
回覆刪除靚婆婆,謝謝到訪!
刪除有模就要試吓整!!!
我試咗嘞......當然A貨始終差d.....有fb朋友問食譜.....妳介唔介意我比妳條link佢呢
刪除當然唔介意喇..................!
刪除