炸空心煎堆

最近少上網寫 blog..............
仍然一直鑽研各種食譜！！！

今日突然間想食煎堆。。。

間想食煎堆，唔想出街，唯有立即衝入廚房。。。開粉做喇！

材料：約 8 粒 (粉糰每粒約 40g)

糯米粉                    150g
糖                            30~40g (好甜者可加到 60g，不過我放 40g 都覺有點甜)
泡打粉                    2g
清水                       90~100g
油                           約 1 湯匙
芝蔴                       約半碗

做法：
將所有材料混好，倒入清水(預留 10g 搓粉後可以濕硬度才決定加唔加)。
搓好後，分成 8 等粉，每份約 40g(炸出來約街上粥店 size。)
搓成㘣碌碌，就可碌上芝蔴
**這個說明，若果搓粉粉糰不夠濕潤，就麻需先沾清水。
**相反，若搓粉糰時夠濕潤，就無須先沾清水，直接碌上芝蔴。
放入雪櫃雪約 30min，先炸。
温油下粉糰，當煎堆開始有點發漲，就可以用煎鑊輕輕按壓幾次，至漲大至金黃色，㘣碌碌，便可盛起隔油紙上吸油！

心得：
～下水搓麵糰時我會加埋剩下的 10g 清水，麵糰就夠濕潤，方便直接碌芝蔴，其他人搓得乾又要先沾水，好似冇乜意思！
～備好碌上芝蔴粉糰後，記緊先入雪櫃雪 30 min，先炸，落油炸時就冇咁易燶！
～粉糰炸到某程度，要擠壓兩邊粉糰多次，煎堆先會平均漲大！
～記得油温先不能太高温，要慢慢炸！