新會柑皮及果肉的用途

自家曬果皮！

新會果皮！

近十年都差不多隔年就會曬果皮；前年更買了一整箱《新會果皮》................

家裡巳收藏了很多很多《果皮》！

今日市場走一趟，見到有散裝嘅新會柑，寫著 $20～3 磅，忍不住。。。少少地買了廿多元，一共有 21 隻。

少少地整曬廿零個...............

先用濕布先抺乾新會柑，攤一陣，就可以從底部平均𠝹三刀，跟著輕輕把柑皮向下拉！

用 cutter cut完果皮，要攤廿四小時左右，明天先用鐵線才穿起來！

經過廿四小時風乾，就用鐵線穿起來................
大約曬一，兩個月，乾透就入樽，得閒再拎出來曬吓佢！

剩下來的柑肉，不知如何是好？？？

cut 皮嘅時候巳經想，覺得個次都將剩下來的柑肉掉晒去，真的很浪費！

因為地球村，因為環保，實在不想好似往日哪樣把果肉統統都棄掉。

卒知把心一横，決定將剩下來的柑肉煮成果醬！

先將嗰廿零隻柑肉去晒柑衣，只取柑肉！

嘩！勁多核！

嘩！搞咗我粒幾鐘.............

搞掂晒啲柑肉後，就準備煮果醬！

柑肉連柑水                      1000g(大約)

白糖＋三温糖                  150g+20g(可以全部用晒白砂糖!)

＊＊最好不要一次過加入晒糖，最好留 20%，試味後才添加！

鮮檸檬                              半隻(榨汁)

將所有材料加入㷛肉，中火煮至稠，更可！

一開始煮嘅時候，會有很多泡泡走出來，一真煮到泡泡差不多都消泡去就差不多了，不用煮到完完全全稠杰(這樣雪後就過龍了)，因為一雪入雪櫃就會結起來，就像《果醬》一樣。

＊＊還有當差不多煮好後，記緊先試味，所以不要一次過將糖一次過加入，最好留 20% 在差不多煮起才決定加唔加糖！

一開始就會起泡，會越冒越多泡！！！
不過當煮到差不多稠杰嘅時候泡泡就會消去！！！

煮完就剩得這一點點.............

入樽後，只盛到約七成。

攤凍後，才好蓋上蓋，避免有倒汗水，另果醬容易變壞！

今早早餐立即試食。。。自家製的柑肉果醬，塗在自家焗嘅鮮奶吐司！！！
嘩！超正。。。無論甜度，濃杰度都剛剛好！好好味呀！老公 like 爆！

**下次焗香橙蛋糕時，可以切開蛋糕，塗在中間，想必香很多..............
**若果驚食唔晒，可以考慮用來整《香橙雞翼》或《香橙骨》調味...............嘩！想想都口水流！！！

温馨提示：

一般自家製的果醬，因為沒加入防腐劑，所以食用期大約只有 7 天 ～ 10 天左右，不要留太過，所以每次不要弄太多！！！