韓式芝麻涼拌波菜
芝麻涼拌波菜 |
今朝見到波菜好靚,似乎向我招手,買我喇!買我喇!
不過唔知用嚟煮咩好,返到屋企先決定整涼拌波菜............
木料:
波菜 半斤(最好買夠一斤,因為縮埋得好少㗎咋)
蒜蓉 約一湯匙(刴到好細蓉)
麻油 約一湯匙,先炒香(多少隨意,自行調配)
芝麻 約一湯匙(多少隨意,自行調配)
鹽 適量
預備冰粒水 一湯碗,用嚟將淥好波菜降温,目的係保持
波菜翠綠。
做法:
洗淨波菜,㷛滾水淥 3~4 min,跟著放到巳備好的冰粒水降温,跟著瀝乾波菜,再用廚房紙狠狠地揸乾水份。
跟著將波菜切段(分兩段,三段,各式其式!)就可以放入碗中,灑上鹽粒,加入蒜蓉,麻油及芝麻,跟著拌勻,雪至少 2 粒鐘,便可。
啲波菜翠翠綠綠,好靚! |
就係咁多味料!好簡單呀! |
涼拌波菜,好好味! 用冰粒水浸過,係特別翠綠!唔懶得㗎!!! |
点解叉燒係blogspot到出唔到嫁?
回覆刪除唔鬼知呀.................
刪除呢個 blogspot 好難協調.................