杏仁焦糖脆脆 “Caramel Almonds Brittle”

自家製杏仁焦糖脆脆！！！

每次姐姐回港，都會帶給我們一款是 See's candies 出品嘅 焦糖脆脆，起初覺得好甜，點知一食就愛上了！！！

早陣子去美國探姐姐，打算買幾盒回港做手信，點知行理過磅，所以唔能夠帶幾盒回港品嚐！！！掛念得很

不過唔買由自可，一問才知一盒 See's candies 嘅 《杏仁焦糖脆脆》原來這麼貴，真難為了姐姐每次買成十盒八盒回港做手信！

今日學做這個《杏仁焦糖脆脆》！！！

網上絕少這個 "Caramel Almonds Brittle" recipe。

材料：

原粒杏仁               120g(好者可以多加一些，下次會加到150g)

**杏仁要先焗脆！**

淡忌廉                   200g

砂糖                       180g

粟膠                       50g

無鹽牛油               120g

鹽                           1/4tbls

初次做唔知自巳喜不喜歡這款糖果，最好做半個份量先試試！

做法(相當簡單)：

準備一個大約(8 x 11")盤，並鋪好牛油紙(這樣就可免洗！)

若想攤得更薄更脆就要預備一個更大一點嘅盤。

將所有材料，除杏仁外，加入鍋裡(最好是易潔鍋，冇咁易黏底)，用中火一邊攪一邊煮。

温馨提示最好用膠刮刀攪，這樣會好一點(因為容易洗)！

將糖漿煮至濃稠狀況，要不停攪，冇咁易燒焦。糖漿拌到有點濃稠(杰)狀況慢慢會變成淡啡色，就可以熄火，並將巳焗脆的杏仁加入稠漿內，並平均拌勻。

最後倒入巳鋪好牛油紙的盤內，並平均壓平於盤內約 2～3mm(其實薄一點，入口就脆一點，不過純粹個人喜好。)

攤凍大約 1 個鐘左右，就可以用壓麵掍 how 碎(這個動作好好玩㗎！若果屋企有小朋友就最岩，佢地實係好開心！) 成小塊，便可！！！

大約用了 $50 元，就可以做到 see's candies 兩盒份量，慳咗幾百元，哈哈哈！！！

由全部材料加入至開始煮！

煮到開始濃稠嘅.........

濃稠度大約用攪捧盛高倒返入鍋裡，見到大約寫到字樣子，大約OK，就加入巳焗杏仁，並拌勻！

我大約攤咗 1 個鐘(我因為忙呢忙咯！)，不過要攤凍先好用棍打碎！

口感同 see's candies 嘅味，差不多...........
其實應該係更好味，因為冇 see's candies 咁甜添！

真係《又香又脆》，比起原裝，更好味！！！

我準備新年做幾底作為過年送禮之用，這樣就更加有心思........

最後我還要準備發一個電郵通知姐姐，新年回來，千祈唔好再買 sees' candies 給我做手信喇！！！幫佢慳唔少.................

真係好開心！

還有整好後到現在我巳經食咗整整大約半盒了！！！

今次實肥死嚟！！！