焦糖脆脆天使蛋糕(戚風)

仔大爺生日，特地為仔做了個簡單的《焦糖脆脆天使蛋糕》。

仔仔！生日快樂，身體健康，工作順利！

材料：

8 吋模具，分蛋法


A)麵糊部份
低筋粉                 120g
蛋黄                     5pc
橄欖油                 60g
泡打粉                 1/2tbs
雲呢嗱油             適量(因為雲呢嗱油是自家製，味道沒香精濃)
白砂糖                 30g
鮮奶                     90g
**若果想做蜂蜜蛋糕，只需將鮮奶(水份) 改成 鮮檸檬汁 50g+冷開水 10g(想味道強一點可全放鮮檸檬汁為 60g)+蜂蜜30g，只要水份總數為 90g 便可。

B)蛋白霜部份
蛋白                     5pc
白砂糖                 50g
鹽                         適量

先以170°預熱焗爐

將A材料，蛋黄先拌勻，加入白砂糖，打至淡黄色，再加入餘下雲呢嗱油，鮮奶，將全部拌勻後，加入巳過篩的低筋粉，成為麵糊(全部材料放在温水上完成)。

將B材料，蛋白先慢速拌勻，加作鹽，再分三次加入白砂糖，將蛋白霜打至企身，留用

將1/3蛋白霜加入巳拌勻蛋黄糊內，拌勻，再將餘下 2/3 蛋白霜完全加入麵糊內，用 cut & fold 方法，輕手拌勻至完全沒粒狀的麵糊內，便可倒入焗盤內，最後o凳幾吓，目的要將麵糊內的氣泡消除(三幾吓就得！)，便可以入焗爐

以170°左右焗 30分鐘，我入爐後 20min，將上火調到150°(不過所有焗爐熱度不同，所以要自行決定火力為佳)

出爐後要立即將蛋糕倒扣攤凍。

今次為仔大爺焗嘅蛋糕，係有史以來最鬆最軟嘅！
你看今次個蛋糕焗焗到幾高！雖然個頂有點燒焦，因為個焗爐有點想擺工不受控製，不好個燶面上忌廉時會切走，所以完全冇擔心！！！

這個蛋糕要分三部份完成。
部份：
(一) 最好一提早做好 忌廉部份放入雪櫃裡雪得挺身，抺塗蛋糕時會較硬。
將 whipping cream 加入糖霜，打至企身，備用便可！

(二) 部份，就是焗蛋糕，上面巳作出簡單介紹。

(三) 就是做脆脆部份
材料：
砂糖                    100g
粟膠                    25g
白開水                25g
泡打粉                5g (我試過 baking soda & baking powder覺得
                            backing soda 好似好一點，做出來脆口一點）
先備好一張牛油紙在盤上，備用。
做法：
將白開水，及砂糖，粟膠，加入㷛內，以慢火煮至變《金黄色》，跟著熄火，離開爐頭，將 “巳篩過的泡打粉” 加入糖漿裡，跟著要快手拌勻(記待要篩過泡打粉，否則結賣一舊影響脆脆口感！)，就會見到脆脆澎漲起來，快手倒進巳預先備好牛油紙盤上，靜待約 15 min，跟著放作密實袋裡，用棒棒，輕輕 how 碎，最後加到巳抺上忌廉蛋的蛋糕上一起食！

＊＊做脆脆的心得，要留意糖漿一煮到略為“變金黄色” 就要離火，因為一轉深色，一加入泡打粉，就巳經煮燶，因為離火後，個㷛仍是帶熱力，好易煮焦，所以煮糖漿時，要金睛火眼留要著，當糖漿一變淺金色，必定要熄火離爐，快手加入泡打粉，就剛好！！！

個樣當然冇美X餅店咁靚..............

不經不覺仔大爺巳經 24 歲了，真係老喇！

今次嘅焦糖脆脆，整得相當鬆脆！