鹽麴做麵包

自製鹽麴有大半年了，平日用來醃肉煮餸，從來冇諗過利用鹽麴做麵包.............

剛看到網友利用鹽麴做麵包.......問問自己點解咁蠢，諗唔到？

今日決定用自己製作鹽麴搓麵包！

鹽麴做麵包
材料：
麵粉                 500g(今日搓個高份量)
鹽麴                 50g
酵母                 5g
糖                     20g
鹽                     5g
橄欖油             40g(可用牛油代替，不過橄油健康啲！)
水                    300~320ml (± 20ml)，水份酌量加入！

所有材料搓成適合粉糰，第一次發酵 90min，中間醒麵及做包型不作介紹，第二次發酵 60min。
180°預熱焗，焗 25～30min，焗包時間要跟據包型造型作調整！

温馨提示：
我發覺落咗鹽麴後搓嘅麵包比較濕潤，所以提議盡量不要一次加晒入麵糰，將水份《要小小，小小》地加入，否則好易失手，越搓越黏手㗎！！！

我只搓了麵糰約 20 min，發覺比平日的麵包比較濕潤，我只切了麵包邊皮來試食，發覺入口比較柔軟，和平日的口感不同！

做了三款包：方包，紅,藍莓歐包，意式橄欖蕃茄包！

自家製鹽麴麵包藍！！！

後話：
我都幾推薦用這個鹽麴，覺得啲麵包比平日焗的包，確實軟腍很多！！！