楊技甘露

很久沒有弄甜品...................

很喜歡吃楊技甘露，平日在街上多收會點這款甜品，因為在街上食，一定平宜過自己整！

買唔到沙田柚，改為用紅肉西柚！不過味就肯定冇沙田柚咁突出好味！！！

從來沒有打算自己弄《楊枝甘露》，就因為一部德國寶嘅絞拌機。
這部絞拌機是仔大爺在過去的 annual dinner 抽奬抽回來！
一直沒用上。。。
早陣子肥媽又做食平DD，整天都是德國寶的廚具；仔大爺多次追問點解唔見我用部機.............
哎。。。用喇用喇！！！

買到杧果，就開工喇！

材料：約三人份量
杧果                  3 隻(2隻打碎，1隻切肉拌食)
沙田柚/西柚     適量
西米                  50g
＊煲 10分鐘，熄火，焗 10 分鐘，再用冰水冷卻，食前，會溝入 1/3 巳攤凍糖水先拌勻，才加入其他材料
椰奶                  50g
忌廉(可不加)   20g 
鮮奶                  120g
三温糖              50g
水                      150ml
＊將水煲滾，加入糖，煮滾，攤凍，待用！

先將部份杧果用絞拌機打成蓉，待用！
將西米分配碗內，加入椰奶，鮮奶，剩餘糖漿水(要留起些少待若不夠甜才加入!)，倒入巳打勻嘅杧果蓉，拌勻，試味，加入西柚肉，杧果粒便成！！！

小小心得：
＊水滾先下西米，多數人都知西米露是要焗才透，但想西米 "爽口" 就要將焗透西米粒格去水份，用浸冰水使到西米立即降温，這樣的西米一定爽口彈牙！
＊另外，提議最好在調好晒味後，再加入一些忌廉，這樣食起來會香好多㗎！！！