自製黑糖蜜

想整 outback 黑糖麥包，才發現家裡沒有黑糖蜜！
唯有先弄好《黑糖蜜》，好在家裡長備這些簡單材料。。。

平日弄好的黑糖蜜............
可以用來加入咖啡裡，令早上一杯咖啡增添一天活力來源！
做麵包！
做戚風蛋糕！
聖誕就更加可以用來做《彊餅人》...............
有時食士多啤梨我都會用來點黑糖蜜，比起錬奶更好味！

總之一樽簡單黑糖蜜，用途多多，更加可以令食物增添色彩！

這就是弄好的黑糖蜜！！！

攤凍後，就可以放入雪櫃！！！

做好黑糖蜜後，急不及待立即搓了個黑糖麥包！！！

材料：
黑糖                 150g
白開水             150g
蜜芽糖             2 湯匙
蜜糖                 2 湯匙

做法：
備好煲，加入黑糖，白開水，蜜芽糖，用中慢火煮溶，大約 10～15 min. (視乎爐火大小而定) 煮到黑糖漿有點稠稠杰杰，待發出點點焦糖味，就可以熄火，千萬不能煮燶！
待黑糖蜜降温後，再加入蜜糖拌勻即可！！！
完全攤凍後就可以放入雪櫃！
我一次不會做太多，因為沒有防腐劑，始終不好放太久！
**我以前在烘焙店買散樽裝，擺放半年至九個月在雪櫃都唔壞，想必很多化學劑，驚驚，自此都是盡量自家製做！！！

全部材料！尋常喜歡煮嘢食的廚房都應該有的物資！！！

雖然會上爐煲，但我唔想加在黑糖及蜜芽糖裡加入生水，所以會用白開水！

每朝都會用上 "黑糖＋三温糖" 沖咖啡，所以我家裡必定會有黑糖！

今次特地試這樽黑糖！

蜜糖 及 麥芽糖！
兩種糖都有自巳本份，所以都要加入！

先在煲內加入 黑糖，白開水，麥芽糖！

才移上爐上，中慢火煮！

其間最好用匙略為拌勻至黑糖溶解！

煮到覺得稠杰後，就可以離火，小心煲得過焦！
用匙羮試試"慢流"左右，就可以！

煲出來，顏色很 smooth，好靚！

攤凍後，就將蜜糖拌入！
**蜜糖唔能夠受熱，緊記！！！

加入蜜糖後，要完全拌勻！！！

最後量出這個份量，大約 280g 左右。

待完全攤凍後.........

蓋上蓋，就是送回雪櫃裡！

後記：
我在弄好黑糖蜜後，立即做了一次 Outback 黑糖麥包！
有興趣可到以下網頁做 outback 黑糖麥包做法：－
http://cocomycook.blogspot.hk/2013/11/outback.html

量好份量後，加入新鮮出爐自家製《黑糖蜜》！

我加入粗麥粉及乾麥片，所以麵糰表面粗粗o鞋o鞋像火山！

發酵後，幾靚！

發酵完成，準備入爐！

後後記：
我孤寒，落得太少黑糖蜜，個麥包略為淡了點，但是相當鬆軟，好味！！！