傳統英式 Bloomer 包

一直整包大多都是整港式包..............
唔好話老公大爺悶，連我自巳都覺得悶了！！！

早陣子睇無線《麵包王》，見到這個麵包，嘗試學整；只靠記憶的份量，做了這個 Bloomer。

靠記憶，今日特地試整這個傳統英式包.............

材料簡單：
高筋粉                  500g
酵母                      7g
鹽                          10g
橄欖油                  40g
水                         320~350ml
另外原本份量沒有，自巳加入：
糖                         20g
乾果                     約 50g

除乾果外，將所有材料加在一起，搓到麵糰光滑！
第一次發酵要 2~3 hrs，發酵好後，就可以做包型。
取出再按壓好麵糰，做好包型。
作第二次發酵，都係起碼 2 hrs

第一次發酵了 2 hrs ＋ 第二次發酵 2 hrs ，前前後後搓包，做包，就用咗起碼 5 個鐘，再加焗麵包 30 min + 20 min。

若果想外皮焗得脆，就在第二次發酵後，入焗爐前，先在麵糰上噴上水，再在麵糰上灑上麵粉，再割幾刀，再在底層加入一盤水，焗起來就會有《脆口》效果。

估唔到焗完出來嘅包成個《大欖球》咁大個！幾乎頂到焗爐頂上的發熱線，好險呀！

我加入乾果，焗出來個樣好靚...........

這個就是我自己改良後的英式 Bloomer 包。

＊＊後記.......
當老公大爺回家食飯，我在廚房炒餸，老公大爺竟然諗都冇諗，自巳切了兩片 Bloomer 包來吃
...............有冇搞錯，開飯喇！！！

＊＊後後記.......
飯後，老公大爺 一邊食水果，一邊講，今天焗這個包，實在是《超水準》表現，是我做包以來最最最好吃............

......唔好開心得咁早，早排我整 "日式波蘿包"，佢都好似講過差唔多嘅說話！！！

唉！男人真係《花心》到呢！！！

真係唔知開心定唔開心好！！！