士多啤梨大福

最近買到的韓國士多啤梨好靚好新鮮還很甜！
上星期做了士多啤梨卷蛋，今日用來整大禮餅！

士多啤梨大福餅
材料：約做 6~8 個
白玉粉               150g(日本叫白玉粉，即糯米粉)
*粟粉                 10g(第二天整杧果大福，試加入粟粉，GOOD!)
**我反覆試了不同的份量，整杧果糯米糍時試試加入'粟粉'，點知效果良好，覺得蒸(叮)出來的麵糰特別《黏且靭》，口感是最良好的！
糖                       30g (好甜者，可酌量曾加)
鹽                       1 適量
水                       250g
片粟粉               約 2 湯匙(日本叫片粟粉，即係巳經炒熟咗嘅薯 
                           粉，用來上皮用！
橄欖油               適量(個人習慣，冇加)
豆沙                   適量
士多啤梨           6~8粒

懶惰，我做的大福餅只是用微波爐叮熟，若蒸就要 20~30min。
先將所有材料，除片粟粉外，全部勞勻，再放入微波爐，先叮 2 min，取出檢查夠熟未，若未夠熟透就再叮 1 min，如此類推。
熟透取出，再用匙拌勻一吓，放在巳舖了薄薄片粟粉上，再分成等份，待用！
將豆沙包在巳清洗士多啤梨外皮，跟著包進大福麵糰裡，外皮拍上片粟粉，就完成！

Yeah.............我的至愛！

士多啤梨大福餅！