自製皮革碎紙包

自製皮革碎銀包

早陣子接了個 Job，忙完一輪..............
終於閒下來，做做家務，發現老公大爺有一堆舊《工具》，係往日他做"皮革"時剩下來的工具............

上星期整完拖鞋，又想搞搞震，問準老公大爺可以玩他的做皮用具！上星期又到深水埗買些碎料，不過啲皮勁貴！！！

昨天老公大爺竟然買過一套做皮工具給我...............
淘寶訂，幾百塊，有成批工具！！！
我都唔知貴定平，不過老公大爺'話，佢地以前玩跟本冇咁多工具，哪個菱斬取待舊日開㝫逐個開方法，由其是哪個大木架，上起皮來方便很多！！！
依家加埋老公大爺舊底嘅工具，真係有排玩！！！

 吓！吓！吓！我諗住玩玩咋播，咁我會好大壓力㗎！！！
老公大爺話，佢用的做皮工具巳經過時...............云云！！！

唉！！！好驚。。。。

今天試做做小用品！

畫好草圖！

開皮，一點也不容易！以為用一般 cutter就可以𠝹開啲皮，點知都係要用到新買回來的開皮刀。。。

紙樣，開完皮，加上"彈弓片"，就是全部材料！

在皮革底，先塗上一層皮油！

用"菱斬"開窿！
老公大爺話以前要逐個㝫逐個㝫釘，
淨係打㝫分分鐘搞 2 日........

開㝫，一陣攪掂！

這個《單線雙針》法，係做皮革上針方法，
冇人教就一定唔知！

這個木㗎好好用！

做好碎紙包個彈弓口，跟著就做最後步驟！

木㚒嘅用途就係方便上線，冇佢，好難搞！ 

上好晒線，就是將皮邊打磨好！

磨完邊，就上皮邊油！

待皮邊油稍為乾，最後就是打磨皮邊，就完成！

第一次上線，就點不齊..............

好想整個彈弓頭的碎紙包很久了...............
用咗這舘軟身人造皮，手感不錯，而且估不到可以袋進很多零錢，方便我去市場買餸！！！