 |
| 馬卡龍！ |
雖然我唔係好 “好” 馬卡龍，不過一直想試整！
成日聽見網友說 馬卡龍 好難成功.............
心癢癢，買了杏仁粉，今日試整！
我採用了一個網友的食譜，據說是日本食譜，我分析過多個整馬卡龍方法，唯獨是這個比較特別！偏向虎山行.................
材料：
杏仁粉(幼粉) 54g (原味就直接用60g)
糖霜 70g
＊若整朱古力味
無糖可可粉 6g (若用色粉直接用 60g 杏仁粉)
細砂糖 40g
蛋白 50g
＊＊將蛋白分成 2 份
1) 第一份蛋白 33g (要打發)
2) 第二份蛋白 17g (無須打發，要留意！)
做法：
1) 先將杏仁粉 及 糖粉 過篩 最少 2 次，我過篩了 3 次！
2) 將第一份 蛋白 即 33g 打至起泡泡，起泡後將 1/3 砂糖加入，直到見打蛋器打到蛋白挑起有少少勾，便可以分 2 次添加入砂糖續打至 挑起蛋白霜 有尖角立起為之成功！
3) 將蛋白霜加入巳過篩及混好的杏仁糖粉中，跟著將 第二份蛋白 即 17g 加入並拌勻，“輕手” 將粉完全混合好，這時著若用色粉嘅話，就可以這時加入，若果分 2 色，就分 2 份，分 3 色，咪分 3 份...................
我下次唔會咁蠢，求其買啲平嘅色粉，啲顏色好唔靚，不過都係少用唯佳，我只是見人要整色整水，所以懵盛盛又學人去買！其實直接用家中啲 可可粉 同 綠茶粉 就巳經有顏色喇！
4) 最後將杏仁蛋白拌勻至氣泡完全壓出，麵糊要拌至帶光澤，並舀起來有緞帶狀，便可以將麵糊裝入唧花袋裡，我沒有馬卡龍膠蓆，求其用電腦 print 好圓形，不過太擠，不夠經驗。
5) 唧在牛油紙上(下面放好預先準備好的圓圈，方便唧上麵糊)，並用牙簽篤去氣泡。
6) 閒置 30 分鐘，其間 15 分鐘後要預熱 200°(我焗爐火猛只以 180°預熱)，用手模模巳唧好麵糊，若果沒有黏手，便可入爐。
7) 我沒有一般做法，入爐熄火，我一入爐，就將爐火 keep 著 180° 約 5~6分鐘，見到馬卡龍出現裙邊，就將上火下調至 120° 並 在馬卡龍升高後，頂上再放上一個烤盤 “隔一隔” 火力，再焗 2~3 分鐘，見馬卡龍面有轉色情況，便立即關掉上火，下火 keep 住 150°，再焗 3~4 分鐘，熄火，遲 3 分鐘後才取出，連牛油紙攤在架上。
這時就做餡，我做朱古力饀。
朱古力 70g
淡忌廉 50g
＊將朱古力隔水溶後，離煲，加入淡忌廉，拌勻，放入唧花袋，入雪櫃約 15 分鐘，待馬卡龍凍咗，就可以唧上馬卡龍。
完成！
 |
| 完全加入砂糖後，打至這個起勾情況！ |
 |
| 將蛋白霜，加入另一個巳過篩的杏仁糖霜內，並加入剩餘第二份的蛋白，跟著輕手至完全拌勻！ |
 |
| 拌到大約見到緞帶並起勾勾狀！便可！ |
 |
| 其實唔一定要加色㗎，我好蠢，人做我做，自巳又唔識！ |
 |
| 我都整得似模似樣㗎！篤完氣泡，閒置 30 分鐘。 入焗爐就有點緊張，一直吼著情況變動！ |
 |
| 做出來都可以！！！橙色都幾靚！！！ |
 |
| 下午茶，沖杯 Coffee，嘆世界！！！ 雖然我唔係食好多次馬卡龍，不過口感幾近樣似！！！ |
老公仲未食...................
沒有留言:
張貼留言