以前工作忙碌，跟本無暇炆羊腩呢啲食物！！！
 |
| 好開心，買到好靚嘅羊腩！！！ 腩排肥瘦肉都間得好均勻！！！ |
材料：
羊腩 約斤半
靚支竹 $20 (豆腐店買，不是一包包，炸或乾哪些，這
是老人家傳承下來指定的。)
馬蹄 $15 (要揾嗰啲檔口可以揀嘅，仲要係選乾身，
不要買濕汭汭嗰啲，好易爛嘅！)
**處理馬蹄，批皮後，未用前記緊先要浸在水𥚃，否則好易變黄變銹。
大蒜(京蔥) 1～2棵都得 (用嚟去羊羶味)
蔥 2～3棵
羗 可以多一點，大約半湯碗，要厚切一片片！
果皮 2 片(浸軟，刮去瓤)
蒜頭 1 整隻 (去衣，刴碎)
冰糖 大約半隻蛋 (加多減少要自行調節)
南乳 約一片
麵豉醬 約一湯匙
＊南乳及麵豉醬，多少因腩份量加多或減少..........
紹興酒 用來乾爆羊腩去半羶味
白酒 調味用
生抽，老抽 各一湯匙
鹽 適量
 |
| 我買羊腩多數會分買 2 種！ 半份羊腩排，半份羊腩嘅腩！ 我自巳比較鐘意有骨嘅羊排，最好還要夾著軟骨哪些，就是我的至愛！ |
 |
| 羗要切厚片，還要先走油，咁啲羗先又香又辣，炆起羊腩時個好香嘅㗎！ |
 |
| 馬蹄，批皮後，未煮前要先浸水裡，減低銹黄的出現。 |
 |
| 全部材料！ |
 |
| 我比較喜歡買 “達利” 這款南乳，味道是我買開最岩口味嘅！ |
 |
| 馬蹄要浸住水。 |
 |
| 這款“支竹”是最好味，煮得耐都不會溶或碎之外，而且越煮越滑，好好味㗎！最緊要呢種支竹，唔會好似炸過支竹咁肥脷。 |
 |
| 京蔥係教我煮羊腩嘅老人家教我加入羊腩一齊煮，話會去羊羶味！ |
 |
| 紹興酒用來乾爆羊腩用， 孖蒸用來煮用， 不要弄錯！ |
＊＊老人家教嘅竅門！！！＊＊
先要白鑊爆羊腩！！！
 |
| 白鑊爆羊腩！燒熱油鑊，不用下油！ |
 |
| 目的先迫出血水。 |
 |
| 將羊腩，猛火不停爆！ |
 |
| 秘技： 將羊腩都爆到覺得略為熟，就下紹酒，好似平日灒酒咁，多下一點無防！ ＊＊這個是羊腩去除羊羶味的竅門！ |
 |
| 灒完酒，再炒到有點出水，就可以加水！蓋上蓋.........煮滚！ |
 |
| 待水滾後，就要 將剛煮過的水，倒走，不留！ |
 |
| 跟著要將煮過嘅羊腩沖水，目的要去除羊腩面上血水漬及肥油漬！ |
 |
| 略煮過嘅羊腩，倒去滾過嘅水，清乾淨，略為瀝乾水份，就可以炆喇！ |
 |
| 起鑊下多一點油先半煎炸羗至金黄色。 |
 |
| 盛起，待用！ |
 |
| 炸過羗後，不用洗鑊，下蒜頭續爆香。 |
 |
| 再加入 南乳 及 麵豉醬！ |
 |
| 記緊要爆香南乳，略變成醬般，帶杰一點！ |
 |
| 就可以加入羊腩，爆香。 |
 |
| 大約舊舊嘅羊腩都要黏到乳麵豉醬就差不多喇，爆炒勻後 |
 |
| 就加入孖蒸！ |
 |
| 加入孖蒸後，就會聞到好香好香㗎喇。 |
 |
| 再下羗片，京蔥，蔥！ |
 |
| 加入果皮！ |
 |
| 再加入馬蹄！ |
 |
| 冰糖！ |
 |
| 將材料，都加入後，就要加上湯或清水，開始炆喇！ |
 |
| 待煮滾後，我就轉煲去炆羊腩！ 這時就會下生抽，老抽，鹽等調味。 |
 |
| 炆羊腩，我若果有時間係會分段炆。滾後會先用中大火炆 30 分鐘(其間要留意水份是否會煲乾咗，我呢個煲，調到幾細火都會好鬼滾㗎！要小心。。。)，跟住熄火，不要開蓋，由他焗佢。 ＊＊若果冇咁多時間，就可以直接炆約 1.5 hrs。 |
 |
| 當羊腩煲稍為攤凍後，我就再用中慢火炆佢約 45 min，不過都視乎佢羊肉質感決定最後時間，我唔鐘意太稔，又唔想太硬，所以一路炆，會一路 check 住煲羊腩炆夠火喉未。 炆好後，試岩味，就可以上枱！ |
因為哪天食飯時氣温巳跌到得 9°，所以用 gas 爐熱著吃.........
一開飯，大家就興高彩烈地去擦擦擦，又加菜，又點腐乳醬..................好味！好味！
就係咁，我就忘記影下我煲羊腩相，激死我，我炆得好靚！
沒有留言:
張貼留言