剛蒸好的蘿蔔糕!好香,真係好香蘿蔔糕香味! |
流口水流足一整天!就是要等埋老公大爺回家才煮! |
整整一年沒有蒸糕了..................
見到超市裡的蘿蔔又大又靚又平,忍不住手買一隻回家。。。整蘿蔔糕!
老人家教,只要蘿蔔個樣生得古古怪怪,起埋角,這些蘿蔔必定又靚又多汁,整糕一定好味! 老一輩教的真的沒錯!!! |
這一隻,整整 1880g ,巳經可以整一大底,小盤的可以弄 2 底了! |
蘿蔔 1800g(約 3 斤)
**去皮後剩番 1600g左右,所以可以買大一點點,最好係去皮後淨內1800g
臘肉 半條
臘腸 2 條
膶腸 半條(純個人喜好加不加入,不喜可以刪除!)
東菇 6~10隻(大細隻自行決定)
蝦米 10~12隻(不好者可以用乾瑤柱代替)
乾瑤柱 3~5粒
金華火腿 約 2 湯匙
浸過嘅 東菇水 / 乾瑤柱水 / 蝦米水 留用
**我沒有預備,唐芹,蔥 等令糕點增加香味嘅配料,因為老人家教落,這些會令蘿蔔糕易壞材料,所以我從不加入!!!不過若果覺得蒸好嘅糕會三幾天好快清晒,不防自行決定加唔加入...........
粉漿:
粘米粉 75g
鷹粟粉 150g
**本來一直以老一輩教落嚟是用 "粘米粉300g+澄麵50g",但係現今為了家人健康著想,改用低粉量,食落實在是冇咁撐胃,所以,忍痛將老一輩的訓誡改變了............**
蘿蔔水 380ml+些少東菇&蝦米水是最理想,不用再加
其他水,不過若蘿蔔汁唔夠就加白開水湊夠便可
(我今次這個蘿蔔水份實在驚人,倒出來巳經有
430幾ml,所以機乎沒有加入東菇&蝦米水.....
調味:
糖 約 1 Tbsp
鹽 約 1 tsp
**加不加其他咸味,都要下些少吊味!
糊椒粉 適量
""我冇加雞粉習慣,所以味道要自行調配!!!喜歡的可以加些少蠔油吊味,不過會影響蘿蔔糕顏色賣相!""
全部材料! |
有時會加入乾瑤柱,不過最近買咗條金華火腿,準備新年做火腿津白菜時用,太大條用唔晒,所以這次加入金華火腿! |
臘腸膶腸,要先用滾水汆一汆水,跟著撕去腸衣!!! |
臘肉當然都要用汆過大滾水後,切去大部份肥肉再切粒! |
臘肉臘腸切粒粒!!! |
金華火腿都是要切粒粒! |
蝦米浸軟,汆水切粒! |
東菇浸軟切粒! |
蘿蔔去皮,再刨絲+切條! |
粘米粉 75g+鷹粟粉 150g! |
用家報告!!!推薦這個牌子!!! 一直想試用這款粘米粉,昨天試過後,不知是否是心理問題,覺得粉真的香一點,往日食糕總覺得食到某些味; 不會用舊牌子,以後只會用這個牌子!!! 不過舊牌子粉嘅粘米粉才 $7 元一包,這款就要 $15元 一包了,足足貴了一倍有多..... 不過一年才弄一兩次,所以用好一點材料沒問題! 今年蒸年糕都會用這個牌子的糯米粉整!!! |
蝦米水! |
東菇水! |
取用三温糖調味! 留意!這不是雞粉!!! |
蒸盤,也可用 2 隻細 8" 鍚紙盤! **記得先掃上油! |
蒸盤一個! |
我將 2/3 刨絲,再將 1/3 切幼條,目的要增強口感!!! |
刨絲! |
切幼條! |
先爆臘肉! |
再加入臘腸膶腸! |
嘩!我巳經一早用大滾水分別將臘肉臘腸汆過水! 點知煮起來時都標咗咁多油出嚟......... 若果唔汆水,啲肥油咪重唔得掂!!! |
不過一加入東菇粒,啲油就索晒,都幾得人驚!!! |
炒勻! |
再加入蝦米! |
炒勻後,就裝起,待用! |
近鏡竟然唔覺好多肥油! |
都係𠴱句,唔好洗鑊,加入蘿蔔絲續炒............ |
東菇腳!記緊煮完要掉咗去,不要一齊蒸!!! |
留來,裝入茶袋內放入蘿蔔度一齊煮味!記得掉!!! |
再加入金華火腿! |
金華火腿不用炒,直接放入就煮出味便可! |
本來蘿蔔水巳足夠,不過都加些少蝦米東菇水一齊煮一煮! |
將蘿蔔煮到略變透明後,記緊拿走東菇腳............ |
出咗幾多汁! |
加入臘腸臘肉粒! |
炒勻就可以調味!!! |
記緊,點都要加些少鹽作調味! |
留意!這是三温糖 (並不是雞粉嚟㗎!) |
見不見,我加入了楜椒粉!!! 楜椒粉都是重要嘅調味材料,記得一定要下!!! |
**記得倒入粉漿前,先要關火!!! 倒入巳預先拌勻先了的《蘿蔔水+粘粉+粟粉漿》倒入了! 資深的廚子,會直接灑入巳過篩的粘粉及鷹粟粉! 我未夠信心,所以都係先拌咗漿先加入........ |
煮到杰杰地就差不多了!!! |
將煮好的蘿蔔糕,就可以放入蒸盤內,掃平面層!!! |
水滾後,就可以入爐蒸! 大約蒸 45min ~ 60min |
我特地跑到上海街,買幾十塊買這塊蒸嘢嘅 "白扣布" 蒸糕!!!非常肉痛!!! 不過都非常值得,因為今一開蓋, 發覺糕面係沒有《倒汗水》!!!正呀!!! |
看看,糕面上是沒有水㗎!!!我平日最憎水淋淋㗎!!! |
竹簽試糕,沒有黏著糕漿,蒸咗只 50min,成功㗎!!! o拿!近鏡再望,糕面相當乾爽,沒有倒汗水㗎!!! |
蒸好了!面層因為冇倒汗水,所以覺得實淨好多!!! |
Yeah............煎咗半底!!! 好味!好好味!好好好味!老公大爺都讚,全部食晒.......... 好開心!!! |
沒有留言:
張貼留言