辛苦晒老公大爺係花墟抱回來的一整盒水仙喇！！！
 |
| 這張巳經是割水仙後，第 7 日相片！ |
一直帶著病過冬，過年................poor of me！！！
辛苦晒，老公大爺由花墟抱回來，送我一盒《水仙》！！！
咨詢了很多人，今年應該咩日子開水仙？
有人答：初六
也有人話：初十！覺得初十才去割水仙，就有點太冒險了！
推算往年我在初六，開水仙，發覺年廿八巳經標出微微花開，本來個個都話《大年初一》就會撐開晒，剛好！但我偏偏想在大年初一才準備微微開花，心情會好一點呢................
加上今年是有《年三十晚》所以我今年決定冒險推遲了 2 天才開水仙，計落都只是推遲了 "一天" 而已。。。。
竅門：
我開水仙，和一些人割水仙有點不同！其實往年巳經在 yahoo blog 講過，不過哪該死的 yahoo blog 執笠，所以要重新介紹過！今年還拍埋 video，不過唔知點解上唔到 blogger，所以不能同網友分享，poor of me again............
＊＊我有一個特別方法會做，就是㑹在割開水仙後，會取出塊藏在水仙中心位置嘅《芯片》，這個是有位高人多年前教授過我，但現在我發覺極少數人會做這個動作。
起初我不明白，點解要辛苦地要在水仙頭裡抆走哪片'芯片'？不過我一直都有做這個動作，發覺抆走水仙裡的芯片，水仙開起來無疑是寬鬆了一點，而且開起來，水仙就會互相借位，這個情況，只會在多花錩時才會發覺，當然若果水仙標花錩少的狀態，這個抆花芯動作，可能多餘了！
 |
| 今年老公大爺送來的水仙頭，好似幾大隻！ 且比起往年少了一些 (往年真的買得太多了)！！！ |
另要預備好：
一把開水仙《刀》
一條濕毛巾
一隻盤(要套上一隻袋，只是方便清理！)
一個可以放好割好的水仙。
醫生用嘅膠手套 1~2 對
 |
| 逐隻割............有排攪！ |
 |
| 要拿走水仙底嘅泥........ |
 |
| 抆走泥後，就要將面層啡色哪層衣要撕走，這個動作實在容易，固不作介紹！ |
 |
| 撕去衣後，就要兩邊摸摸，哪裡就"軟㝝㝝"感覺， 就可以順著落刀！ ＊＊還要提一提(因為沒有影底相)：去完衣後，記緊要割走水仙頭底部又乾又黑抆抆底衣，要刮到差不多見'白'，因為要刮淨好，出來的根會好一點！ |
 |
| 當你摸到軟㝝㝝位置，不要一刀割開，最好一兩層，一兩層刮下去，小心傷到花錩！因為有時啲花錩好古憾，會藏在底層某些位置，所以要小心一層一層咁刮下去！！！ |
 |
| 見到嗎？若果我一刀割下去，就會傷到古憾花錩........... 有時啲水仙頭係實啲啲㗎，係完全摸不到有軟㝝㝝位置，咁就要靠古，靠小心落刀........... |
 |
| 當 2 邊都割到八八九九，試吓輕輕按一按個水仙頭，等佢自巳鬆開一點！ |
 |
| 揾到藏在正中嘅芯片，就要用《陰力》將塊芯片抆出，唔係咁易㗎，要好小心㗎，否則就會傷到啲花錩㗎！！！ 一次拉唔到，不要夾硬嚟，要慢慢同佢死過！！！ |
 |
| 拉到喇！ 有時若果個水仙頭好實啲啲，可能只能抆出一半或者一塊細細的，就要慢慢到伸手入去再抆，若果冇信心，就不要夾硬嚟！我都會有放棄情況㗎........... |
 |
| 呢塊就係很久前嘅高人教我，開水仙要將中間塊《芯片》取出，據說開出來的水仙花就會靚好多㗎！！！ |
 |
| 就係呢塊嘢，攪到我手指頭好痛！！！ |
 |
| 可能我本身又唔舒服又唔夠力，所以同水仙博鬥後，成身散晒！ |
 |
| 看到嗎？取走芯片後，理論上多出好多虛位，所以高人教落應該錯不了太多！！！ 每次抆走塊芯片，就會自然好開心！！！ |
 |
| 今年老公大爺買回來的水仙頭，個樣唔錯！！！都幾大隻！！！ |
 |
| 開晒喇，當我完成最後一隻水仙頭後，一望出街才發覺外面幾乎黑齊了！ 由中午開水仙到黄昏，嘩！真係唔係咁易㗎！！！ |
 |
| 跟著浸佢 48 小時，水最好要浸過面！ 浸完 2 日 2 夜後，嗰啲水，你會發現好多潺，好鬼核突， 哈哈哈！！！好彩係老公大爺幫我攪掂啫！！！ |
 |
| 嘩！浸完 48 小時後，就要洗白白，沖乾淨涼之後，就要找其他嘅盤，將水仙放入，等佢慢慢出筋喇！！！ |
 |
| 我較崇尚自然，所以沒有落"矮仔粉"！！！ |
 |
| 跟著就是每天一早同啲水仙頭洗白白，跟住放出花架上曬曬太陽，不過今年冇乜太陽................ |
依家就係每天等待，每天擔心等佢啲花錩標長喇。。。。。
每天早上同水仙頭洗完白白後，就將水仙搬出窗外曬太陽，晚上將水仙搬返入屋，因為怕晚上外面天氣太冷，凍親啲水仙寶寶！！！
16/01/2014，12~16º
今日天氣普通，陽光一般"弱"...............
 |
 |
抽其中最高嘅四棵"花錩"，影相作紀錄，大約在 10~11cm左右。
過去一星期，天氣都徘徊在 12-13º ~ 16-19º，天氣早上清涼，日間和暖，距離新年還有 10 天，不知趕不趕得切開花！？
21/01/2014，13~17º
今日天氣普通，陽光一般"弱"...............
睇到相片間呎比例，過去約一星期，可以睇到由 10~12 cm，大約長高了 3~5 cm。
因為我家長期沒有太陽入屋，加上近日天氣算是寒冷，所以生長較一般，記得上一年度，最後一星期，利用太陽光燈厄過啲水仙兩，三天，所以在年廿九巳開花，今年沒有打算再騙啲水仙，希望佢自由地生長.............
22/01/2014，11~16º
今日天氣普通，陽光一般"弱"...............
今朝同啲水仙沖涼，發覺啲花冧巳《標》咗出來...............
我屋企長年累月都冇乜太陽射到，所以水仙都會生得很高！
唉！
沒有留言:
張貼留言