禮物

還有兩星期才是結婚週年紀念................

晚飯後，座在梳化上網，老公大爺把面容鬼鬼馬馬咁突然移近我面前，見他雙手放在後面，以為他準備突襲。。。電光火石間覺得他定是收起了一些東西來嚇我。。。四腳蛇，蟑螂，鮮忌廉...........因為每次我都會嚇到o依哇鬼叫，他就樂得整晚快活！
直覺我先一縮，用手一推，準備定一個飛身 side kick.........

冷不防今次送上一個禮物《智能電話》................
又羞愧，又驚喜，又納悶！！！

羞愧。。。是自巳用心不良！
驚喜是。。。無端端 點解 會有禮物收
**註解：老公大爺絕少在任何特別節日送禮物，因為他是個喜歡送禮物是就會突擊送出禮物，每次都會加倍令我《喜出望外》的！！！
納悶。。。就是一個新款"智能"小玩意，即是我必花一段長時間要重新學習駛用新事物喇.....poor me！！！

先說說題外話：
自從由職場退下來，每天不用見人，用不著每天打扮得花之招展，不用手揸名牌手袋，不須穿著名店套裝，不要換新款電話.............樂透了！

你可以話我冇內涵，或者思想過於迂腐，甚至是天真..........

10年前我試過一個 interview 後，老闆直接通知我上班，不過就對我說，我以前的公司都是有規摸，他的公司只是中小企，衣著只需要 causal wear 便可(當天見工梗係有咁行就著到咁行喇！)，大喜，從未試過天天便服日嘅，當然按著做，第一天就牛記笠記上班，返了 3 日工，不同部門的一個女同事在 pantry 嘲笑我，你天天著到去街市買餸咁，真係舒服喇，聽落沒甚麼，不過明顯話裡有骨落地是絕對沒錯了...........
實在關你鬼事咩，八婆！
老實說，我對自己著衫有絕對《把握》，要斯文我有斯文，要大方，我有大方，要有型，我絕對有型........！
唉！無言，我往日上班只穿 suit，我啲套裝套套都不平宜，原來她/他門所謂嘅牛記笠記就是一千元 T-shirt 二千元一條 jeans，三千蚊對波鞋...........
Oh May GOD！！！這班人只懂用 $ 來衡量別人衣著。

自我反醒，我天天貼近老闆工作，是否要先向這方向檢討一吓呢？就這樣我得利用一個週未置過些所謂嘅平民《牛記笠記》，我還要青出於藍，穿得俾這班多口人仕更加出色，要穩住一班八公八婆口沬，希望使他門收口，不過最後都是成為他/她門的《衣著品味而指手劃腳》，因為她們都比下去............想話你知，師奶都可以型到《冇朋友》㗎，要型，要鬥夠膽穿潮服，你絕對唔係我對手，最緊要係我買衫嘅錢會全數由老公大爺負責埋單嘅(因為佢唔鐘意有人蝦我！)，這就是我的優勢。。。我除了冇信心著裙外！你地跟本奈我唔何.....

唔好意思，我所遇上的職場就是這樣，一直殺戮到我決定退下來為止，才知道甚麼是《生活》。

言歸正傳........
歸於平淡，無須天天競選《世界小姐》，不過現在平日外出買餸都一定衣著光鮮 (呢樣是學習巳過身的奶奶.........這是家教！)，現在是隨心隨意的整齊就得哪種！
手裡揸住隻普普通通嘅手機，就好了！！！

記得多年前蘋果店出了第一代 i-phone，老公巳經送給我，但我不懂用，覺得好辛苦，對於工作繁忙的我越簡單就簡越令我舒坦；雖然日後慢慢都習慣了...........。

大大話話展轉地用過幾十款新款手機，真的，因為老公大爺最鐘意換電話，只要他覺得哪部機想用，他就會換手機，為了滿足他玩電話心態，我一年四季都有很多無數驚喜..........

好在這 2 年終於慢下來，只是真想玩電話才換機，當然我都是第一受益人.................

還未到週年紀念，問老公大爺為何不留到哪天紀念日才送給我作紀念呢？
他說：心急，想我在這個復活節假期陪著我用部新電話，又可以陪我去買手機套，可以慢慢楝到岩心水！！！

這樣窩心的說話，怎能不使我《愛死你》老公大爺......你呢？

不過我手仔細細，拿起部這部《超大mon》就的不習慣，好似總不能揸隱在手裡，好驚揸唔實，跌咗部機落地！！！
我好難咁學識用 samsung 電話，依家又要學過用 LG，對於現在是一個切頭切尾的師奶來說，確之言有點難度！

然而。。。老公大爺，我好鐘意部電話，多謝晒你，我會好好地學習用部新機㗎喇！！！

僅僅撐開見到我啲手指，真係有點太大部，老公大爺話，依家全部都係咁大部㗎喇...............
硬係覺得自己好似著咗件 XL 碼嘅衫咁！