羅送湯

夏天來到，天氣熱到呢........................
冇胃口食飯.................

弄個疏菜湯～羅送湯

其實羅送湯材料很簡單
材料：
牛腩碎                   約$30元 
(現在牛肉貴到冇朋友，三十元其實得好少)

白酒                       約 2 湯匙 (提味)

紅蔥頭                   1 粒 (用嚟爆香牛腩碎)
疏菜                       椰菜，西芹，紅蘿蔔，蕃茄，薯仔，西椒
                               洋蔥
茄膏                       約 2 湯匙
月桂葉                   1-2塊
蒜蓉                       約 半隻
指天椒                   1 隻

材料大可以用自巳喜歡食材，這些只是基本材料而矣！

牛腩碎洗淨，瀝乾水粉，拍上些少麵粉，用紅蔥頭爆香，灒些少白酒(白酒可以不加！)，盛起，待用！

爆香疏菜後，加入些少鹽，些少糖，再洒入蒜蓉，兜勻！
(因為蒜蓉易焦，所以我不會用油爆，習慣後下！)

加入一湯匙茄膏！

再加入巳炒香牛腩碎，再加入餘下一湯匙茄膏，再爆香！

加入適量滾水後，要浸過面，再加入月桂葉及辣椒！
大火煲滾後，收中慢火煲約三個鐘，至材料完全腍晒便可！

我煲咗約三個幾鐘！
嘩！好香，好好味！！！

我個羅送湯正到呢，我飲咗 2 大湯碗！！！