本來想食清湯腩，客滿；卒知求期去了一間近十多年都未食過咁差的食肆，實在令人沮喪。
回家途中，老公大爺說：幾時可以弄餐 "清湯腩" 給他品嘗一吓？
當然可以！！！
終於買到不錯 "坑腩"！！！
做清湯腩其實不難，做清湯底只是各施各法，最困難就是如何炆起來，不能過嚡，也不能過腍，要有咬口就是！！！
清湯腩材料極奇簡單：約 4 人份量
牛坑腩 或 崩沙腩 $150 (今次買唔到崩沙腩，有點失望)
蘿蔔 1 個
~ 蘿蔔選重身，最好選身圓碌碌，因為要多刨幾層外皮，才不會有柴皮起渣情況，留意！
清湯底白鹵水料：
草果 1 粒
八角 2 粒
月桂 1 塊
黑糊椒 一茶匙 (十零廿粒，純粹提味)
香葉 3~4塊
甘草 1 片
薑片 3~4 片
蔥 適量 (上蝶時灑上面！)
果皮 1/4 片(一般是沒有加，但加些少果皮，會有意想不到效果，但千祈不能下過多，否則牛腩會帶苦味！)
冰糖 適量
鹽 適量
上湯 史雲生清雞湯一盒
熱水 約 1~2 杯 (加入上湯後，若不夠，就加入熱水至蓋過牛腩便可，所以不能肯定加幾多熱水)
**以上所有香料宜少不而過多，因為過多會蓋了牛腩鮮味！
做法：
2片薑加水，先將牛腩汆水，再清洗後，備用。
將所有香料加入上湯，煲滾後，加入巳汆水牛腩，加入薑片，冰糖，鹽，中大火炆 45 min 後 "熄火，焗至湯料至和暖，再開火翻滾，熄火"，我一共做了 4 次，最後試食一塊牛腩，覺得再做一次，剛好................。
跟著取出牛腩，(若果是一整片崩沙腩)，這時趁煲蘿蔔時就先將一整片牛肺切件。
留湯再加入巳去皮切件蘿蔔。
煲腍蘿蔔後，加入牛腩翻滾，便可上枱。
＊＊我是將 牛腩 和蘿蔔 分開煮！但不會影響兩者味道！
 |
| 簡單材料！ |
 |
| 調味材料 |
 |
| 我鐘意食帶皮啲牛坑腩，今次買唔到崩沙腩！ |
 |
| 草果要先拍碎！所有白鹵水材料，宜少不宜過多！ |
 |
| 這隻蘿蔔樣很衰，不過肥嘟嘟，㘣碌碌，相當甜，沒有渣，超甜，正好配會我煲牛腩！ |
 |
| well well well，完成了，肉質剛好，不過腍，有咬口，正！！！ 老公大爺叫我去開檔！大話精，鬼信你！ 我先冇咁蠢，這煲清湯腩弄了我一整天，因為我不是煲他兩粒鐘，我是以焗方式去炆牛坑腩，弄了我一整天！！！ |
最後：剩下來的牛腩清湯，我用一些來烚了一蝶白菜。
再剩下來的清湯，第二天又買了一隻蘿蔔做湯...............正！
沒有留言:
張貼留言