自從給家裡的仔大爺讚我的香茅豬排《好好味》,真係好開心!
開始鑽研泰式菜式,自問泰式咖哩都不錯!
我也試過煮冬陰功湯,我是買冬陰功醬料弄,雖然味道不錯,但總覺得個味道有點過濃,當然冬陰功湯不濃就不是冬陰功湯................
今次決定自己做埋個《泰式醬》,希望好味,但不會過濃!
材料:
羅望子肉(酸子肉) 約 2 湯匙 (買現成,用白開水浸軟,用匙壓開,隔水備用)
乾辣椒 10 pcs (暖水浸軟,切碎,備用)
乾蔥頭 大隻 3 pcs/細隻 4 pcs (去皮切碎,備用)
蒜頭 半個/約 6 pcs (去皮切碎,備用)
蝦米 1 湯匙 (洗淨,浸軟,刴碎,備用)
欖油 4~6湯匙
椰糖 適量,冇椰糖可改黄糖,白糖,都可以
白開水 1 杯水 (用來加入攪拌機打碎所有材料)
做法:
1) 將所有材料處理好後,放入攪拌機,加入白開水,磨至成碎粒,隔水,備用。
2) 煮滾油,加入打碎粒粒,爆香,加入浸羅望子水,加椰糖,炒至乾身,試味,攤凍後,入樽。
**我只加了些少椰糖吊味,沒有加入鹽,因為煮好醬,用來炒餸時才決定調味。
**我只加了些少椰糖吊味,沒有加入鹽,因為煮好醬,用來炒餸時才決定調味。
黑炆炆嗰碗就是羅望子肉(即酸子肉),浸軟浸散後,隔水,留汁用來煮醬不要倒。 **羅望子肉,可以在任何泰國小店揾到! |
將所有處理好材料,加入攪拌機內,再加入約一杯白開水! |
打成醬! |
我因為揾唔到部攪拌機,又唔捨得用磨豆漿嗰部,所以只用了部小型攪拌機,卒知打得不夠醬,激死! |
將打碎後醬,放入煲湯袋裡隔水。 |
隔去水份! |
最後呢三樣材料,就可以開始煮! |
煮滾油,將醬粒爆炒 |
不停炒 |
炒炒炒,炒至油收晒泡,就差不多完成! |
爆好醬,攤凍時,整間屋都香噴噴! |
放入洗淨玻璃瓶內,記得要完攤凍先到入樽! |
入滿一小樽,可以用來炒餸! |
後記:
做好一樽泰式醬,隨時想飲冬陰功湯 都得,唔駛特登去超市買冬陰功醬包!
做好一樽泰式醬,隨時想飲冬陰功湯 都得,唔駛特登去超市買冬陰功醬包!
沒有留言:
張貼留言