有事要到中上環走一趟..............
罕有地外出食早餐，今次選擇去歌賦街茶檔！
 |
| 點解話令人感動！一份簡簡單單的"碎牛蛋治"，麵包軟稔，煎出來的碎牛蛋，送到上枱時，入口時仍隱約流出蛋汁，但不會影響咬口，又正！又窩心！
還有我 order 的駌鴦茶走少甜，一般茶餐廳 99% 都一定會過甜，好少做到真正少甜；呢呢呢。。。呢度就做到喇！
|
一直知道這檔口的人特別寸口！！！
座下來不夠廿分鐘，就分別給三個"靚姐"，寸到一橦都冇，完全沒法還咀.............
老公大爺 order 了馳名'蕃茄鮮牛麵'＋奶茶。
我就簡單得多一份碎牛治＋一杯駌鴦走少甜。
第一寸：
不到 2 分鐘，茶未到，老公大爺碗 蕃茄鮮牛麵就先送到，冇幾河！老公大爺食咗半碗麵，連杯茶都未到，我就笑笑口問靚姐，噫！杯茶還未到(大約 10 min 後)，靚姐話：都未沖好，梗係未到喇，無言！！！係播，你講得岩，未沖好，梗係上唔到枱喇！
第二寸：
好喇成 10 min 後，另一個靚姐送來 奶茶 同 駌鴦走，盤內共放三杯，我幫手拿出，點知靚姐話，呢杯唔係你㗎。。。又唔識，搞搞震，哈哈哈！！！死未，幫手都要鬧。
第三寸：
我電話响，在袋裡拿出聽電話時，一併把袋內手巾仔掉出，我拾回手巾仔，用力拍手巾仔上污穢，點知身旁第三個靚姐話，駛乜咁大力拍呀，你條手巾仔乾淨㗎嗎。。。係，本身乾淨，但是掉到地上後又點會乾淨呢，我用來抺咀㗎，我有咩做錯呢，哈哈哈！！！
我對這 20 min 經歷，一點也沒有不快，因為這就嘅純真又地道的《人情味》，俾人寸都寸得心花路放，所以檔口呀姐點寸，都像是一種窩心經歷，點都鐘意返嚟俾人鬧。。。！
 |
| 一天好的開始，就靠一份又地道又簡單又美味的早餐！！！ |
今日還能嘗到舊香港味道，自覺很幸福！！！
多謝香港！！！
沒有留言:
張貼留言