星期天整砵仔糕，剩了些紅豆；不想浪費，上網找找可以配甚麼？見到一幅相，是我喜愛的芋圓。
嘩！正.............！家裡有小蕃薯，又有芋頭，決定就整呢個。
見到網友兩三吓手勢..........原來芋員是很易整！
材料：
蕃薯 150g
芋頭 150g
糖 40 (蕃薯，芋頭各 20g)
木薯粉 100g (蕃薯，芋頭各 50g)
粟粉 30g (蕃薯，芋頭各 15g)
水～蕃薯粉糰 20g (有需要時要作適量調整)
水～芋頭粉糰 20g (有需要時要作適量調整)
＊＊這裡要留意，蕃薯及芋頭本身水份不同，加上蒸完會有倒汗水被吸收過，要一路搓時，一路加進去，我搓芋頭時水份巳足夠，完全沒有加水，但是蕃薯就很乾，反而水份加到 28g，所以搓粉糰時要留意！搓嘅時候要感受一吓個粉糰黏性，若果加粉後巳經好軟及感到些微濕潤，就唔好加咁多水；反之，搓嚟搓去都搓唔成糰，就可以加入些少水份！
＊＊心得，若果想 QQ軟軟一點，水份可以多一些，若果想帶煙煙靭靭性，就加少一點水。
做法：
1) 先將蕃薯及芋頭去皮，清洗完 “蒸” 15～20 min，取出後，立即加入 20g 糖(**芋頭蓉就唔好試圖減糖份量，再減就冇甜味！但蕃薯會有機會較有甜味，可以輕輕減些少。)，跟著用匙搓爛。
蕃薯 及 芋頭 要分開兩份做。
2) 再加入 木薯粉 及 粟粉，若加入粉進蕃薯裡以經容易搓成粉糰，就些微加少少水，或不加也可，這要自巳感受一吓為佳！
3) 搓成了粉糰後，就將各個粉糰，一分四份，再搓成幼條狀，並切粒粒。
4) 放入巳㷛滾熱水內煲，中大火將粉粒煮熟，見粉粒升起，煲多一兩分鐘就可以用篩取出粉圓。
5) 凍食或熱食均可。
 |
| 芋豆＋蕃薯 |
 |
| 蒸熟後，立即加入糖先拌勻，跟著將蕃薯壓成蕃薯蓉，再將木薯粉及粟粉加入，搓成粉糰！ ＊＊心得！無須壓得太過爛，留點粒粒，口感會強好多㗎！ |
 |
| 我搓芋頭時，可能㷛裡巳有倒汗水滴入芋頭裡，所以完全沒有加入其他水巳經能夠搓好粉糰！ |
 |
| 黏黏地手㗎，不過顏開會有些少裂紋，要自巳調節！ |
 |
| 將粉糰一開四份，看看一切開就有點裂縫出現，不過不太影響，放心用手慢慢碌開成條狀！ |
 |
| 切成小粒狀！ |
 |
| 將切好的小粉粒放入巳煲好滾水內，未熟嘅粉粒是全部沉底㗎！ |
 |
| 當小粉粒㷛好，就會全部升上水頂，表示巳經熟晒，就可以用篩隔水裝走小粉糰！ |
 |
| 跟著決定凍食或著熱食，自行決定好了！ |
 |
| 相當美味，芋圓同街上買的沒太大分別！若果有涼粉，咁就《依之班》喇！ |
 |
| 食食吓！手多多加入濃味鮮奶，噫！破壞口感，我想若果有涼粉粒凍食，先加入花奶，我想會美味好多㗎！！！ |
這個份量加埋自巳一早巳㷛好紅豆，加入黑糖，成本十元左右，可以弄到 四碗 芋圓紅豆甜湯！
好經濟！！！
好味～
回覆刪除對！非常美味又容易整..............！
回覆刪除