自製烏冬

呢兩天都冇出街，因為怕人迫.............
係屋企攪攪震，尋日整龍蝦意粉同薯蓉湯，不過忘記影底想！
今日整了烏冬作晚餐！

簡單材料：
低筋粉                 200g
高筋粉                 100g
木薯粉                 50g(唉！漏了落，所以欠了份咬口，激死！)
鹽                         5g
暖水                    150g (+/-20%)

做法：
先將鹽溶於暖水中，待用
將高/低粉混在一起，加作巳溶鹽的暖水，搓至成麵糰！
閒至 1.5~2 hrs，視乎天氣而定，冬天天氣稍長！
2 hrs 後，取出麵糰，同搓麵棍壓開薄片，再對摺，再壓成薄片，做 5~6 次，再壓成適合 size 便可以切開成粉 **記得在切麵條時在麵糰底＆面都要灑上麵粉，唔係切出來的麵條會黏埋一齊，好難攤番開去淥麵...............

唔駛搓到好滑溜溜嘅！

我雙手有事，跟本唔夠力，力所以出貓用麵機壓出來的！

整完先發覺，原來要壓厚一點，切幼一點才似烏冬㗎，下次要調整一吓呎碼！

唔講切得太厚，其實整得不錯！

淥好啲烏冬！

做冷盤，所以我用冰凍白開水浸冷，瀝乾水份，再調啲芝麻醬食，正呀！

**後記：
老公話毎樣似台灣粉多啲，下次要整返幼一點，厚一點！