再戰 '自製烏冬'

上星期整完烏冬，賽後報告，發覺好似少了些嘢。。。
想了好幾天，哪天整烏冬，少了份黏性，才想起忘記了下一樣很重要的材料！！！
就是《木薯粉》..............

上次做冷烏冬，今次做炒烏冬！
仔大爺話今次這個烏冬，黏性同買回來的相當相似，很有哪份烏冬的咬口！
還有猛讚我炒得好好味！不過要我下次要做湯烏冬！
No problem。。。

今次重新再寫過材料：
底筋粉                   200g
高筋粉                   100g
木薯粉                   50g
**記緊一定要落，因為烏冬份黏性及咬口就完全靠這個《木薯粉》**
鹽                           15g
暖水                       150g
＊＊另加手粉，用來搓麵糰及切烏冬用。

做法：
先將鹽溶於暖水中，待用
將高/低粉/木薯粉混在一起，加巳溶鹽的暖水，搓至成麵糰！

將麵糰，同搓麵棍按壓至半張A4紙左右 size，摺三摺，再壓，再摺，大約做 5~6 次。

跟著收口成麵糰後，閒至 1.5~2 hrs，視乎天氣而定，冬天天氣稍長！

2 hrs 後，，再壓成適合 size (上一將麵糰切成闊麵條咁，今次不會㗎喇！) 便可以切開成粉。 
**記得在切麵條時在麵糰底＆面都要灑上'大量'麵粉，唔係切出來的麵條會黏埋一齊，好難攤番開去淥麵...............
**還有切好麵條要盡快去淥，冬天天氣涼還可以，天氣熱擺 10 分鐘，包你啲麵條立即黏埋一齊，所以灑多些麵粉令麵條不會容易黏在一起.........記緊！
淥完烏冬，若果想做冷盤，可以用食用冰水降温，若果再要煮就可以用水喉水沖洗降温後再煮！！！

上一次整烏冬巳經有詳細解圖，所以今次重點在發酵後進入最後階段！

切好晒又未淥前，要多灑些麵粉使麵條分開...........

水滾後淥一淥，再蓋上蓋滾 12~15 min。

因為我會再將烏冬炒，所以用水喉水沖洗降温！
若果做冷盤直接食就要用白開水沖洗降温！

      

我簡單地炒了個 烏冬 用 肉片，椰菜，再加日本苣蒻絲炒，加點醬油.............
這就是我自製烏冬！

另外有興趣的話可以到我這個網頁詳細看看：
自製烏冬