日式拌蛋飯

早陣子睇過一套日本劇集《東京風潮》，這套劇不算是一套有追索性的劇集，不過這套劇就睇得人很温暖。。。

一套劇沒有高潮，沒有驚喜的劇情，不過整套劇就以 "玉置浩二" 口中的《愛》為主題，睇完令人有不少反思的空間！！！

這套十集的劇，每集都有一家人圍在一起食早飯的温馨場面！一家之主的爺爺，每天都會食這個蛋拌醬油飯的習慣，睇了很多集，流口水流足咁多集；前天終於在日式超市買來一盒蛋(只有在日式超市買來的雞蛋，才敢生吃......當然揀可以生吃哪種喇)，昨天特地一試，日本蛋就是日本蛋，打出來的蛋黄顔色特別鮮橙色，蛋味亦相當濃郁！

回味無窮！推介！

日式拌蛋飯！

相當簡單的材料："熱"騰騰的白飯一碗，可生吃白蛋一隻(我特選日本貴蛋，因為怕死！)，日本《萬字》醬油，我還自巳加入炒熟芝麻，嘩！好食到攞命...............

隻蛋黄打出來，靚到呢，我只聽到蛋蛋同我揮手。。。
《食我喇，食我喇》！
思覺失調病又復發了！哈！哈！哈！ 

我試吓，加一撮炒香咗芝麻，嘩！正到冇朋友。。。

同期加演。。。
相信曾經睇過深夜食堂嘅人對《牛油拌飯》呢碗飯一定認識.....

今天就試牛油拌飯，嘩！一試難忘！！！

不過經常食就肯定變大肥婆。

今日天氣一樣寒冷，都是食點暖肚東西就正喇！！！就來一碗牛油拌飯................嘩！日日咁食，唔肥才怪！！！

飯一定要熟.........
不得不一提，牛油最好是 salted，
唔好落 unsalted 牛油，失色很多㗎！！！

加入日式濃味《萬字》醬油！嘩！好味到呀。。。