薯仔煙肉濃湯！

今天主菜：是薯仔煙肉濃湯！

薯仔煙肉濃湯！材料：(一人份量)
薯仔  1 pc (細隻 1.5~ 2 pcs)
洋蔥 半隻
西芹 適量(加西芹，因為唔想湯太濃。)
煙肉 2 片 (留起 半片煮好湯後，炸香脆後可
灑在湯上)
忌廉(鮮奶)        1 湯匙 (用忌廉會滑一點，若家中冇忌廉，
加鮮奶 2～3 湯匙均可。)
鹽 適量
黑胡椒 適量
滾水 約 4～5 碗 (視乎份量)

做法：

先將 薯仔，洋蔥，西芹，煙肉 切成小粒粒，待用！

下少少橄欖油 (因為爆煙肉會標油，所以無須下太多油，甚至不下油都得，視乎買的煙肉有幾多肥腩！)，加入煙肉，炒香，再加入洋蔥，炒香，續下西芹，煙肉，薯仔，將全部材料都炒香，就加入滾水 (不要下凍水！)，滾水不單要加到覆蓋薯仔面上，再要加多一點也無防(因為煮起時多出來的水可以用來 adjust 濃湯杰度)，收中慢火，等薯仔慢慢軟稔 (大約 45min ～ 60min)！

45min 後，薯仔湯香味巳經很出，這時可以下些少海鹽吊吊味！

跟著將薯仔湯，先倒出一半薯仔湯水，留用(不要倒！)，打成薯蓉 (我喜歡有口感，所以沒有完全打至稀吧爛般，覺得最好打到還有點一粒粒程度，所謂有點咬口最適合！)，留意杰度，是否太稀，太杰，才決定加不加入先前倒起的薯仔湯水，再稠成適合稀杰程度！

我就覺得薯蓉有點杰，所以將薯仔湯全部倒回薯濃裡，再開火，當濃湯煮滾後(留意不能猛火，收到小火慢再翻熱，記緊要略為搞拌，否則易焦...)，加入 忌廉，試味後，便成；我沒有炸脆煙肉 (其實因為維修後很易累，不想搞咁多)，因為家中有現成煙肉乾，可以直接放在薯仔濃湯上，再灑些黑胡椒，便可上湯蝶！

薯仔煙肉濃湯！Yummy Yummy。。。。。。

材料其實好簡單！忌廉 同 鮮奶 (只需二選一，便可)。

炒香煙肉粒！

加入洋蔥，炒炒炒.............

再加入西芹續炒 (下西芹純粹自巳想湯濃中帶點清香味)

再加入薯仔！

炒至金黄色！

加滾水，要多一點無防..........

在約過晒材料多一點，都沒問題！

當翻滾時，收中慢火煮 45min 左右，視乎自巳材料！

我直接用打碎棒在煲內打碎，費是倒來倒去用搞拌機打碎，唔駛洗咁多嘢！
＊＊熄火前下 忌廉 或 鮮奶，略略滾一滾，拌勻後便可上蝶！！！

嘩！滋味無窮！當然都肥味無窮。。。。。嘩！！！