心急,整好才幾天,急不及待將泡菜用來炒豬肉片! 正呀!!! |
我將一些泡菜,裝返入去之前盛著泡菜的樽裡!!! 似模似樣!!! |
近年我好有興趣研究《日本菜 及 韓國菜》,因為要用泡菜弄其他韓國餸,所以買了些泡菜回家整嘢食,幾十元一罌泡菜,好似不便宜.............
昨天在超市見到啲大白菜好靚,一隻有 1700 幾/g,再順手買埋材料回家整泡菜.............
整泡菜材料:
韓國辣椒粉 2 cup
大白菜一棵 1700g
白蘿蔔 1 pc
大蒜(或京蔥) 1 棵
蔥 4 ~ 6 條
韮菜 10 條
紅蘿蔔 1~1.5 pcs(留0.5條做泡菜漿汁)
洋蔥 半隻(做泡菜醬汁)
蒜頭 2~3整隻(做泡菜醬汁)羗 約 1 湯匙(做泡菜醬汁)
魚露 約半杯(做泡菜醬汁)
粗鹽 約 100~150g(視乎大白菜大少增加或減少)
糯米粉 約 0.5 cup
水 約 2 cup
煮漿份量:
糯米粉 約 0.5 cup
水 約 2 cup
白砂糖 約 1.5 湯匙
做泡菜醬汁材料:
紅蘿蔔 半條,去皮切細粒再打碎
蒜頭 去皮切細粒再打碎
羗 去皮切細粒再打碎
蘿蔔 去皮切細粒再打碎
做法:
要分 3 個步驟做~
1. 將大白菜,先切開 2 份,跟著再對半切開 2 份 (韓國人只會在大白菜尾端 1/3 部份下一刀,跟著用手撕開),再切成適合塊狀,再分曾灑上粗鹽,每半個鐘翻轉一次,至少浸 2 粒鐘,我一共浸咗 6 個鐘,跟著用水喉水沖走大白菜啲鹽份。
**我們居於香港,水喉水唔飲得,所以我所有材料都會用《食用水》沖洗乾淨先用來做泡菜!!!
2. 煮獻漿,將水及糯粉粉加入煲內,開中慢火,將材料煮成杰漿代用,記著,獻漿一定要煮得夠杰,不過煮時要小心煮燶或太過杰,所以要不停手攪拌!!!
3.預備材料,將白蘿蔔,紅蘿蔔,切幼條(不能太粗條!)
大蒜,韮菜,蔥,切段。
**我們居於香港,水喉水唔飲得,所以我所有材料都會用《食用水》沖洗乾淨先用來做泡菜!!!
預備 至少 2 隻大盤,
一隻用於浸大白菜
一隻用於放切好所有材料,方便撈入辣椒粉
一隻將材料 mix 埋一齊撈勻用(呢隻一定要大隻一點,否則撈起辣椒粉時就麻煩!)
以上 3 個步驟備好晒後,就可以進入撈泡菜程序!
嘩!一隻大白菜,就有成 1774g,嘩! |
韓國人慣常只在大白菜尾部落刀!一分為二! 雖然我唔明點解要咁做,不過都跟返韓國人 傳統做法!!! 不過我估這樣做法,大白菜的質感較好一點!!! |
豪邁的韓國人,喜歡用手撕開棵大白菜!!! |
再由尾部切開一分為二! |
一開二後,再用手向上撕開佢! |
看看隻大白菜,好鬼新鮮!!! |
再切成適合 size,就洗乾淨晒佢! |
沖洗了 3 次咁多! |
我用咗大約 150g 粗鹽!!! |
洗淨後,瀝乾水份後,就灑上粗鹽,盡量拌勻! |
記著每半個鐘就拌勻一次!!! |
中間我出了街,卒知一共浸了 6 個鐘頭! |
嘩!六個鐘頭後,出了很多水!!! **記緊要沖洗大白菜上的鹽漬,之後一定要用食用水再徹底洗乾淨之好整泡菜!!!** |
全部材料!!! |
要弄好泡菜汁液!就要先將半隻 紅蘿蔔,洋蔥,蒜粒,羗片,先切成粒粒! |
再倒入魚露! |
再用攪拌器打碎成醬汁!!! |
好香! |
做醬汁後,淨了半隻洋蔥,所以都一併加入泡菜裡! |
再將紅蘿蔔切成條條! |
切好白蘿蔔!!! |
將大蒜切段! |
蔥! |
將蔥切成段! |
韮菜! |
都是切成段! |
可以開始撈泡菜!!!
預備好大盤!!! |
將洗好大白菜用白開水再沖洗後,瀝乾待用! |
全部材料都必需要用白開水沖洗乾淨! |
將糯米粉,水,糖煮好漿後,要先攤凍!!! 記得要煮得好杰! |
將所有配料 mix 埋一齊! |
將汁料倒入大盤裡! |
加入漿粉! |
再加入辣椒粉! |
嘩!辣椒粉好香............ |
將所有料 mix 埋一齊!!! |
冇力,叫老公大爺幫手撈勻泡菜! |
攪呀攪! |
攪呀攪.......... |
都幾費力,因為個辣椒醬攪起上來有阻力........... |
加入大白菜後,改用人手拌勻!!! |
記得帶幾層膠手套先好再拌勻!!! |
攪到我手都累埋!!! |
似唔似買回來的泡菜! 這個樽就是之前裝泡嘅樽,食完洗乾淨,裝返啲自製泡菜! |
我用來做餸,先將五花腩片(無需任何調味,只需清洗乾淨便可)煎香,加自製泡菜炒,再加入半湯匙韓國辣椒醬,再炒,便可上蝶!!! 好味!!! |
沒有留言:
張貼留言