Yummy...... Yummy...... |
嘩!岩岩出爐,仲漲卜卜!!!
香到呢,點都要讚吓自己............. |
先搓個 PIZZA 皮
跟著才弄 PIZZA 醬
PIZZA底 材料:
意大利 PIZZA '00' 號麵粉 250g
**若果不用 PIZZA 麵粉,可用 低筋粉 200g 高筋粉 50g,其實我覺得點溝都冇所謂...........
酵母 6g
橄欖油 10g
鹽 適量
白開水 120g(加減 10g)
先將所有材料加入,除了橄欖油,將麵粉搓成糰後,加入橄欖油後,搓至麵糰光滑,發酵 30 min。
搓好麵糰後,發酵約 30 min,發酵時記得要蓋上一塊布,我就用隻大湯碗蓋著! |
這時就可以預備 PIZZA 醬!
PIZZA 醬材料:
蕃茄 2 pcs (可用罐頭去皮蕃茄),去皮去籽,切粒
**蕃茄去皮後,必須去掉籽,若不去籽煮起來好易出水!
蒜頭 3~5 粒,刴碎
洋蔥 半個,切丁粒
無鹽牛油 20g
蕃茄醬 2 湯匙
鹽 適量
黑胡椒 適量
黄糖 適量
蘿勒 1 湯匙
牛至草 1 湯匙
**其實家裡有咩香料都得,百里香,紫蘇葉.............,不過蘿勒及牛至草嘅香味就最合口味!!!
些少油,燒熱後,加入牛油,蒜蓉,洋蔥,爆香後,加入蕃茄粒,調味下鹽,下糖,下黑椒,跟著加入香草,炒到略為收汁乾水,盛起攤涼代用!
將所有材料落鑊炒好! |
盡量炒得乾涸一點,這樣焗起披薩時個皮會脆一點! |
麵糰發酵 30min 後,用搓麵幹成自己想要 PIZZA 皮
跟著就要整 PIZZA。
我家人都喜歡食芝心批,所以我整嘅 披薩其 都幾乎會加入芝士做皮餡! |
這塊芝士在 IKEA 買,食起來會有拉絲效果,好鐘意,下次要落多一點! |
o登!o登!o登!,個披薩底弄好了!!! |
煮好意式蕃茄醬! |
這罐甜紅椒,我揾了很久才找到,平日突然煮西餐,好好用!不過雖然話係甜紅椒,我覺得帶一點酸味,但完全不影响味道,用來煮蕃茄,就更加冇問題嘅!!! |
一罐倒出來就有咁多,夠晒整! **這裡不得不提示一點,整 披薩時要倒晒啲水,兼要用廚房紙盡量索乾水份,被免焗披薩時太多水份!!! |
這個甜椒是我的推介,不單用來整披薩,用來整西餐都不錯! |
切幼條! |
臨時整 披薩,只有早餐用的腸仔,下次要買啲好味啲嘅! |
家裡只有小罐頭波蘿,下次要落大罐,因為我覺得,波蘿同時披薩是絕配,I really like pineapple,but only for pizza。 |
粟米,都要在雪櫃揾到,便加入! |
沙樂美腸,我買到的是大塊裝 (只用了一半,相當襟食!),本打算整意粉,不過用來整了披薩,太大塊,巳經張每塊一分為二,都是太大塊,應該一開四先得,因為食起來有點麻煩,下次都係要儲存定細條裝!!! |
披薩用芝士,無甚特別,不過...............有個 《温馨提示》 把所需芝士份量,分成兩份:1/3 & 2/3 共 2 份 在塗好蕃茄醬後先酒上 1/3 份量芝士,才開始鋪上材料! 最後 on top 才灑上餘下 2/3 芝士來焗!!!味道會出一點! 這個是一個外國人教嘅! |
全部材料!記得全部材料都盡量要用廚房紙弄得乾一點! |
可以開始作最後步驟............
- 備好的披薩皮
- 巳煮好 PIZZA 醬
- 先鋪入 1/3 芝士
- 腸仔
- 罐頭甜紅椒 (可用新鮮紅椒,青椒,黄椒,都可!)
備好的披薩皮,記得用义拮啲窿窿呀。。。 |
第一層鋪上好巳煮好 PIZZA 醬 |
跟著 鋪入 1/3 芝士! |
鋪上腸仔! |
鋪上甜紅椒! |
再鋪上粟米粒! |
沙樂美腸,老實講,我平日不愛食這個沙樂美腸,覺得有點太過油脷,不過做披薩就會好接受!!! |
我最愛的波蘿,下次要落多一點!!! |
最後鋪上剩餘的芝士,嘩!開始流口水了。。。 |
我用上火 180° 下火 220° 焗了 20 min! **入爐度數及時間應該以自己焗爐火力作最佳調整! 其實多焗 3~5 min,令到個披薩皮燶一點更好,不過入爐時家中的仔大爺囑咐我千萬不能焗太燶,OMG.................唔燶就唔似食披薩喇,不過仔大爺吩咐到,唯有照做係喇!!! |
嘩!正到無比................ 仔大爺給我吏無前例的 100分!!! Thank you SON! 叫老公大爺比分,佢一直吃,拎拎頭,吓..............佢補充話,食到停唔到口! |
離枱前,還剩半盤,點知,給倆位大爺掃晒!!! 哈哈哈!!! |
|
今次用上 "00" 號嘅麵粉做披薩,發覺搓起麵糰有強烈感覺,麵糰相當之滑,同平日搓麵包的麵粉感覺差天共地!!!
下次若果要用《麵包》作交際手腕,我一定會用這些高級麵粉,相信做出來的包包一定有會好好味!!!
不過要先作詳細了解先.................
沒有留言:
張貼留言