焗肉醬寬條麵

很久沒吃寬條麵，很想開粉搓，但太懶惰................
索性買盒寬條麵整！

焗闊條麵分幾個材料及步驟：

1) 先煮好肉醬
2) 煮白汁
3) 淥好片裝意粉(有些地方可以買到不用直接煮的片裝意粉)
4) 芝士(要買可以拉絲哪種)

1) 肉醬做去可以到這裡參考這裡：地道意大利肉醬

2) 白汁：牛油約 80g，麵粉 80g 鮮奶約 300~350g
慢火將牛油煮溶，加入麵粉拌勻，再加入凍鮮奶 (這時最好離火一吓，會容易拌勻)，回火，可以些微加入鹽及糊椒粉調味，煮成 "白汁"，約 5 min。

3) 用水煮淋片裝意粉

備好以上材料，就可以拌成層層意粉！

備好焗盤
第一層：要先塗上一層白汁
第二層：舖一層意粉
第三層：一層肉醬
。。。如此類推，我共做了 4 層 (層數自己決定)
最面哪層，灑滿芝士。
200度預熱入爐，焗約 45 min～ 1 hr

好在有啊信屋，好平呀！ 

滾幾分鐘，放在濕布上，避免黏著！

先在底層塗上一層白汁

鋪上第一層意大利粉

第二層塗上白汁

第三層鋪上免治肉醬

我超鐘意芝士，所以中間就多灑一層，怕脷嘅就唔好落咁多！

 如此類推。。。。。

特地切開先影，看看層數！

Yummy。。。。
我本巳為食唔晒，點知都清晒 Lu。。。

温馨提示：
~ 加白汁是地道做法，而且在最底層塗嗰層《一定要》塗白汁，目的唔想片裝意大利粉黏著底盤。。。要留意！
~ 烚好的意粉，最好舖在濕布上，否則會好易黏著撕開就麻煩
~ 最好不要加入太厚嘅肉醬，只要薄薄塗一層就好了，否則食起來就會太脷。
~ 有些做法會在每層都灑上芝士嘅，不過都係會易脷，我反而在面層盡量灑厚一點，燒焦效果會較理想！