推介！即食麵！

推介這款即食麵

世界杯開鑼，家裡點都要放幾包《即食麵》！！！

第一日開波，晚飯後同老公大爺去超市買零食之餘，準備買出前X丁，我家一向只食開最原始嘅紅袋裝出前一丁，點知這晚一包都揾唔到，行完百X，改去惠X，都沽清，吓。。。唔係化.................痴咗線！！！

隔天在一間店子買迷你 "小椰漿"(因為怕用唔晒，方便整甜品)，見到有些包裝麵，醒起家裡缺貨，又見有我喜愛冬陰功湯味，還有泰國，有馬來西亞 及 星洲，又有湯麵又有撈麵，花多眼亂，有位外語姐姐介紹我食呢款 《KOKA》 冬陰功湯味嘅即食麵，據她說，這款最好味，而且成日斷貨，好好賣，人家熱情介紹，當然相信喇！

嘩！果然不錯，很有冬陰功湯風味，入口感覺良好！
不單止湯底不錯，竟然個麵，比起依家嘅出前X丁，更好味！
雖然依家嘅出前X丁嘅麵越做越差，但仍然覺得出前X丁個麵底合口感，習慣了這個麵，改不了！

＊＊不過這個馬來西亞出口嘅麵，個麵底雖然不算彈牙，但絕對很有咬口，還不止...............

＊＊我估唔到，煲完麵，倒出來的麵湯 (意思係未落任何調味料時)，啲湯相當清，沒有出前X丁的湯麵煲出來嘅湯咁濁(很少食其他牌子即食麵，所以一直沒發覺這情況！)，湯裡也沒有油份，似乎個麵不是經油炸...............

後記..............
我食完這款麵後，我想我會以 五/五 形式去選擇《即食麵》，即是買十包麵，會五包出前X丁，另外五包會改買這款KOKA 牌子！

後後記，昨天竟然有人送給我一大包麵，竟然又是這個牌子！
之不同的，我買的是 "冬陰功" 味，送來的是星洲沙叻湯味！
剛試了，味道真的不錯！！！
當然，想食正宗味道最去這些馬來或星洲食店用 $70~80 食碗正宗味道！
不過用幾塊錢，又在宵夜其間想吃有風味嘅麵，絕對推介！