Making Bag (自製布袋)

老公大爺好俺尖，貼心用的要好岩心水先會購買！
最近布袋開始破損！
這個布袋一用就成五，六年.............天天背著，叫他拿給我洗淨再用，叫極都唔肯，不過今次用到要爛了！！！
佢用到個 back side bag 差不多穿窿。
想買過隻俾佢，點知人家轉了款，全部後面冇咗個 side bag，老公大爺好需要有個 side bag 放啲碎銀，八達通，總之濕濕碎碎嘅物件，所以揾極都唔岩心水！！！

真係異常俺尖...............

揾咗一排都揀唔岩心水，唯有我頂硬上自己縫個袋俾佢！！！

o登！o登！o登！o登。。。
這就是我的製成品！！！
真係車到有血有肉，因為我不停比針篤到手指流血！！！

我唔識縫紉，連點將塊布裁成正確嘅方塊都攪咗好幾日。

又要揀布，又要配帶，又要岩呎碼嘅拉鍊等等等等。。。揾齊所需配件，都整整 2 個星期！
開工縫製頭頭尾尾又搞 2 星期 (我不是天天車，一天又縫些少)，因為中途要諗，原來縫製一隻咁簡單嘅袋，都一點都唔簡單，加上我又唔識車嘢，真係很《未夠班》，簡直係跳班唔識死！！！

由劃圖，度呎吋，開料...............，以至每一個步驟都一一要想得清楚，因為要配合返老公大爺背袋嘅係背 "左" 或 "右"，拉鍊要向哪一方，袋內間格，以至秘密袋要放嘅位置，又要先縫製好啲內袋，又要預留 back side 背袋開窗位置..............總之原來要縫製一隻咁簡單嘅袋都一點也不容易，依家先體會到街上買幾百蚊一隻袋，其實都一點唔貴..............唉！

歪晒。。。吓！個心仔跳埋出來！！！
縫製時曾經出現很多困難，本來上星期六打算縫好做父親節禮物，點知車到尾時出現一個大斜線，嚇到我幾乎暈咗(呢次係第一次暈係度，往後繼續《暈落地度》㗎) 係度！左攪右攪就拖了整整一星期...............

最後工序，先醒起影底幾張相！！！

看看縫好嘅袋究竟有幾多 detail。。。

1) 背後有個有拉鍊暗袋，就是老公大爺最習慣駛用嘅小袋！

2) 側邊又做了個方便袋，本來只做左邊，點知縫好後，才發現不是老公大爺右背袋習慣，再一次暈咗係度，唔想拆走個袋，唯有在右邊再縫製多一個暗袋，車到我呢，死咁滯！

3) 裡面做了一個層格方便隔開私人物件或上班的文件等用品，再在後幅縫製一個拉鍊袋，主要是給老公大爺放銀包！旁邊間開縫為放電話用！

4) 最後縫好背帶後，才發再還未上拉鍊，第三次暈係度........

但背帶車到實一實，冇可能拆下來，上好拉鍊就要在正，背面度見到縫紉線............氣死！

＊＊＊還不止！

5) 縫好拉鍊後，又發現再一次縫錯 "左，右"，方向，第四次暈係度，這次沒法唔拆下來，好彩今次只是輕輕只縫了一行線，拆下來再重新縫岩方向.............

一共暈了《四》大次.............

最終又驚又險地完成這個袋.............至少死了一百億個細胞！