早個星期做了很久沒做的日式波蘿包，點知因為天氣太熱，上波蘿皮時幾乎溶晒，唉！個包吏無前例咁失敗...............
老公大爺唔鐘意食港式包，好似花生醬包，腸仔包呢類包。
唯有不停搓哪款 bloomer loaf，同埋我自己鐘意食嘅 Italian Focaccia 包，莫講話食嗰個，連我自己整都覺得悶..............。
今次弄個披薩包
這是最基本材料，是最簡單的！
麵包材料：
高筋粉 500g
酵母 7g
鹽 10g
糖 20g
橄欖油 40g
水 320~350ml
醬汁材料：
罐頭去皮原個蕃茄 1 罐
新鮮荷蘭蕃茄 中小型(約 3 隻)，切片鋪面用
蒜蓉 2 小粒
香料，百里香/牛置草 適量(提味用，喜歡的可以下多一些)
香腸 1~2 條，切片用
三温糖(白糖也可) 約一湯匙，調味用
** 若果好似我會另外鋪上新鮮蕃茄(中小型荷蘭茄，稍貴哪種)，就要多下一些，因為蕃茄始終帶酸味，要留意。
pizza用芝士(要拉絲哪種) 約半碗(好者，可多下一些)
** 這個份量我做了 2 個 blommer loaf (每個約 200g)及 三個 pizza 包(每個約 150g)！
其實我搓完成糰後作第一次發酵時，才想到點整個包好........
開我個百寶櫃，見到有去皮原個蕃茄醬，才想到不如弄個 pizza 包。
蕃茄醬料：
很容易的，下欖油，加入去皮原個蕃茄醬，再加入蒜蓉(蒜蓉易焦影響賣相，所以後下！)，再加入些香料，好似 百里香，牛置草等香料，再加些三温糖(白糖也可)，調好味，見蕃茄煮到變成蓉便可待麵糰發酵成後到時用！
就是這樣！
 |
| 每個麵糰大約 150g，將麵糰搓成薄薄㘣㘣後，塗上先煮好嘅蕃茄醬，鋪上切片蕃茄，再加入切片腸仔(老公大爺平日不愛食腸仔包，不過咁整又讚好味，奇怪！) 整好後，再作第二次發酵，我一共發酵了 1.5 hrs |
|
| 這是第二次發酵後，準備入爐前，我才灑上芝士，我今次只下一半芝士，我另一半會在差不多焗好時才下埋另一半芝士，因為怕焗焦晒及想留口感！ |
 |
| 170度預熱，焗約 15~20 min，視乎焗爐火力而增加或減少！ |
仔大爺話：好味！只是芝士下得略為不足，但是新鮮嘅蕃茄就相當好味，食嘅時候蕃茄味道非常特出............這就是買貴嘅蕃茄代價，計落就非常便宜喇！！！
老公大爺連讚了 2 天，個包點好，蕃茄味點好，腸仔咁食又幾協調................哈哈哈！我話你唔係唔鐘意食腸仔嘅咩！！！
後記：
其實我弄了 2 大隻 bloomer loaf 給老公大爺，個 pizza 包係整俾個仔大爺食㗎，卒知佢老人家仲食得多過個仔.............
沒有留言:
張貼留言