為自己弄個《魚肉條》!
調味剛剛好。。。好味! |
唔想市場買哪些狗棍魚或者雜魚,總覺得很腥;再去百X超級廣場,不過揾勻都買不到 鱈魚,又唔想再出城買,唯有退而求其次買些次檔嘅急凍腍魚,哪就再加條魷魚來提升味道,家裡有可以再加啲蝦入去!
材料:
任何可以做魚蛋嘅魚都可以 約 1/2 磅(淨肉)
中蝦 約 1/4 磅
魷魚 約 1/4 磅
全部大約 Total 1 磅
洗淨後,抺乾,再切件..............
調味:
蒜頭 2~3 粒
洋蔥(青蔥/唐芹均可) 洋蔥約 1/4 隻(細)/適量
蛋白 1 隻 (大隻)
鹽/糖/糊椒粉 1 茶匙/1 茶匙/ 1/4 茶匙
** 怕腥者可以將糊椒粉加到 1/2 茶匙
油 1 湯匙
麵粉 半杯
薯粉 半杯
** 粉類可以因材料水份酌量增加,好似我用急凍腍魚會出好多水,所以就要相應加粉,總之全部材料拌勻後,魚肉不可以感到太濕太稀,要帶點杰,總之要自己調節,最好在炸完第一條魚肉或魚蛋後,看看魚肉條有冇"縮水",若有回縮情況,就要加麵粉再搓落啲魚肉裡,我想試了一兩條,大概就 feel 到點樣嘅魚條質感適合!!!
若果家裡有《食物調理器》,可以將所有材料混入,一次過打碎拌勻,就可以炸!
若果時間允許,最好放入雪櫃裡而雪 半個鐘,先炸,這樣會容易處理,不過唔雪也不太影響!
打好魚肉等材料,仲未調味及加入麵粉,所以看落去較濕! |
這個就將所有材料拌好的《魚肉》喇! |
油温不能太高,否則易燶,最好是中慢火,等魚肉條慢慢煮熟! |
用隻平底鑊坦幫手,整到成條海參咁樣! |
不能太大火.............. |
炸時會有少少漲大,若果縮得緊要嘅話,就是水份過多,要再加點粉再溝番實一點才好繼續炸! |
不錯! |
沒有太回縮,就是溝粉溝得剛剛好............... |
側邊有幾粒魚蛋,是我自己學人用手"唧"的,好易整,哈哈哈,不過好核突又唔衛生,整咗幾粒就冇繼續了。。。 |
攤凍佢,食唔晒放回入雪櫃,明天可以煮麵食時加入去喇! |
後記:
第二天,用魚肉條淥麵作午餐!
沒有留言:
張貼留言