紅酒炆牛筋條

簡簡單單，又係蝶頭飯.................



紅酒炆牛筋條
材料：
牛筋條
洋蔥
紅蘿蔔
西芹
青椒
蕃茄
紅辣椒
月桂葉
紅酒
茄膏
鹽，黑胡椒
以上沒有實際份量，全部隨意

牛筋條，洗淨，瀝乾，拍麵粉(豆粉都得)，
落鑊加牛筋條，加些少鹽，煎到金黄色，盛起，待用！

將配菜料，落鑊炒香，加鹽，加黑胡椒！

炒香配料後，加入巳煎香的牛筋條！

再加入蒜蓉，續炒！
＊＊因為蒜蓉容易燒焦影响賣相，所以我習慣不會用油爆香，多數中途先加入，即是"加水"炆煮餸前先至落蒜蓉！

兜勻蒜蓉！

加入茄膏，2~3湯匙左右，因為紅酒帶酸，所以不宜下太多！

加紅酒，加鹽，加糖，加滾水(要浸過牛筋條！)
最後加入月桂葉 及 紅辣椒，就可以開始炆！
大約炆 2 個鐘，大火炆起，收中細火，我會先炆 1 hr，跟住我會熄火，焗約一個鐘，看情況而定，繼炆 1~1.5 hrs，最後炆嗰一個鐘，要留意汁料不宜太乾太稠！

本來牛筋條應該配意粉，不過仔大爺是飯筒，所以就配白飯！！！