早幾天買了一隻鴨,請檔主將鴨一開為二,帶鴨頸的半隻弄了個 "洋蔥鴨",餘下半隻今天煮了個《鴨腿湯飯》。
弄鴨腿湯飯,有很多種方法,有些買現成烤/燒鴨,也有些將鴨腿醃好,放入焗爐烤,跟著都是"放湯"而成為鴨腿湯飯。。。
我弄的是舊式方法。。。
我弄鴨腿湯飯比起簡易版無疑有點複雜了少少,要花點時間,因為又要走油,又要炆煮,最後還要燉焗的............,少一點心機都唔得!!!
材料:
鴨 一隻/半隻均可,洗淨,瀝乾
東瓜 一斤(多少隨意),去皮,洗淨,切粒
東菇 4~6 隻,浸軟,切薄片
靚果皮 2瓣(分 2 份),即半隻,浸軟,刮去瓤,切絲
**1瓣 果皮,連湯燉
**另 1 瓣 果皮,都是切絲,後加燉湯裡
羗片 4片
芫茜 適量
調味:
紹興酒 約 2 湯匙
老抽 約 3 湯匙
上湯:
我用 東菇艼+金華火腿 + 2 片羗 煲好上湯,備用
做法:
1) 先備好上湯。。。
2) 鴨,洗淨,用鹽略為抺鴨身,半個鐘後,再在鴨身,塗上紹興酒,再上老抽,吊起,封乾。
3) 封乾後,走油,盛起,用廚房約略為索乾鴨身上的油.......待用。
4) 翻滾上湯,將走過油嘅鴨放入上湯,當湯翻滾後,收中小火煮約 1.5 hrs (視乎鴨大細再決定加減時間,若果是一整隻鴨就起碼煲 2.5~3 hrs,否則唔夠入味),用中細火是唔想隻鴨滾散鴨肉,否則上枱唔靚............
5) 將鴨煲好後,切開分好上枱份數 (順帶一題:因為煮過,切時要小心不能太大刀砍,否則會散肉!),備好燉盅,將材料放入*半份果皮,羗片,東菇,東瓜,最面鋪好鴨腿,倒入煮過鴨白上湯,燉約 45~1 hr 至材料熟透,關火後灑上芫茜,便可上枱!
用 2 片羗片 + 東菇艼 +金華火腿煲好上湯! |
走油,我怕油太多只用半煎炸方法整,沒影響! |
全部材料,"蔥" 可以不加! |
走完油,幾靚............ |
我用上 2 塊不同年份果皮 **淺色哪塊是新果皮,大約 五至六年,用來先下湯一起燉,目的只是要來吊好個湯味。 **深色哪塊是十年以上果皮,是在焞到一半時間後加入,食時果皮味會濃好多,口感強好多㗎!!! |
羗片 |
東菇洗淨切片,用些少粟粉略為調一調,再輕輕用水洗淨。 |
開始煮! |
用上湯煲! |
這邊鴨巳經用上湯慢火煲了 1.5 hrs,冇散㗎! (若果鐘意有咬口嘅煲 1 hr 左右就夠!) 落燉盅前要先切好份數! |
我冇大燉盅,加上材料太多,所以用了個大湯碗燉! 先放好配料,東菇,羗片,果皮絲,紅蘿蔔是想靚啲所以加了幾片整色整水.......! |
加入東瓜! |
將巳煮好白鴨 鋪在最面層! |
加入煲了幾粒鐘上湯! |
蓋上蓋後,就可以開始燉! |
開始燉時,我未落餘下嘅果皮! |
燉到一半時間,我才加入餘下半份嘅果皮,這個是就我的竅門,由其是唔夠靚果皮,食落香口好多㗎! |
燉好!熄火後,灑上芫茜! |
好味! |
老公大爺讚果皮味好香,好好味很像街上食的,還叫我去開檔.............
唔知好嬲定好笑!!!
沒有留言:
張貼留言