鹽麴做麵包

自製鹽麴有大半年了，平日用來醃肉煮餸，從來冇諗過利用鹽麴做麵包.............

剛看到網友利用鹽麴做麵包.......問問自己點解咁蠢，諗唔到？

今日決定用自己製作鹽麴搓麵包！

楊技甘露

很久沒有弄甜品...................

很喜歡吃楊技甘露，平日在街上多收會點這款甜品，因為在街上食，一定平宜過自己整！

買唔到沙田柚，改為用紅肉西柚！不過味就肯定冇沙田柚咁突出好味！！！

Italian Focaccia 意式橄欖蕃茄包

呢排成日整歐包給老公大爺，完全沒有整自己喜好嘅包！

今日搓開包給老公大爺，分一半出來整個很久沒有品嚐嘅...
《Italian Focaccia 意式橄欖蕃茄包》

自家製 PIZZA 披薩(附圖解)

巳很久沒食 PIZZA 了，翻一翻雪櫃 有 芝士，沙樂美腸，又有蕃茄，又有波蘿，開工整 PIZZA..............

Yummy...... Yummy......

嘩！岩岩出爐，仲漲卜卜！！！
香到呢，點都要讚吓自己.............

殭屍，殭屍，我支持你！亞視，亞視，我支持你！！！

由大婆台開始播《豬八怪》開始，我就一直熄電視，或者轉台...............

老實講，我呢個電視精，無奈到在網上重看《今夜不設防》，由第一輯開始，重看到第二輯喇...............！！！

熄了電視後 2~3 天，老公大爺對我說，若果亞視依家播返《殭屍》收視一定掂！！！

不過你會不會轉台睇睇？？？

老實講，我真係冇睇過《我和殭屍有個約會》，一集都沒有睇過，唔係唔鐘意，只是我絕少轉去亞視，因為藝員個個都唔熟悉，對我來說冇乜感染力............

不過。。。。

哈哈哈！！！
今次襯亞視播番，我一定會轉台收看！！！
12/5 開始播返..................

連亞視都睇你唔起喇，問你死未！！！

無線，我送你嘅。。。
X＋Y你個Z
义燒你個包
士多啤你個梨＋蘋果，橙
華梅你個五加皮................

太暢快喇！！！

一個唔聽民意嘅香港電視台！
無線，我再唔係你個 Fan 屎喇！！！

你收皮喇，你去死喇！！！

蜜糖芥末豬手

昨天弄了個"泡椒雞腳"，盛了個白鹵水汁料，唔想浪費，今日買了些豬手，用白鹵水汁煮好，加入自製嘅《蜜糖芥末醬》
正！

韓式炒辣麵！

早陣子整了盤韓國泡菜.................
食到七七八八，拌飯，炒豬肉片................
今日用來炒韓國拉麵，相當容易，好辣者大愛，不過我不知為何，年幾越大，越怕辣................真撞鬼！！！

泡椒雞腳

在廚櫃裡找到樽野山泡椒，不知幾時買...........???

想想，泡椒，最好整雞腳雞翼............，昨天買了雞腳，立即動手！
這道餸，酸酸地，相當適合悶悶天氣食！！！

下個月踢世界杯要再整！
睇世界杯，一路飲啤酒，一路食泡椒雞腳，一樂也！！！

歐式港味包！

最近很少入廚....................

躱懶後，整包包！！！

了哥情！

今日睇報紙見到有位伯伯遺失隻 '了哥'！
睇到個心都噏埋！！！

我幾乎一出世家中除了種了花外，還有貓，有狗。。。印象中父親大人是很喜歡養雀的，家中有"話(劃)眉"，還有一隻識講嘢《了哥》，還有其他的，不過識知的只知有呢兩隻雀雀！

總之家裡就很快樂，很温暖！！！

《了哥》是父親大人的《心肝》，這隻了哥很聽父親大人話，經常會和父親大人傾計談心...............
最深刻就是父親大人早上起床，了哥除了會向爸爸說：早晨外，當父親《咳嗽》時，隻了哥會自己問候爸爸，爸爸，沒事嗎？？？小心身體...........等等等等的窩心話！！！

故事是這樣的：
一個冬天，相當寒冷，了哥 病倒了，記得姐姐講過(因為當時自己只有幾歲人仔，完全沒有記憶！)，爸爸曾把了哥放入外套裡面 (往日沒有獸醫慨念)，好等了哥保持身體暖和，不過最終都救唔返.............爸爸很傷心，這個我有印象！！！

了哥死後，本身帶著"病"的爸爸都開始轉《重病》.......，不久，父親大人都離開了我們！！！

家裡 媽媽，姐姐，哥哥都這樣說：爸爸是隨 "了哥" 而離去，雖然故事有點《妖言惑眾》，不過我絕對相信這些事情的傳說。。。

今日睇完報紙，心情很差勁！！！

希望伯伯早日尋回雀雀《了哥》，主祐！！！